صرت اكشف والبس عاري والسبب امي

السلام عليكم
انا عمري ٢٧ بعدي ماجاء بنات الا بعذ ١٠ سنوات
يعني عندي اختين وحده اصغر مني ب ٩ سنوات
والثانيه ١٢ سنه
امي عيشتني حياة من المراهقه للشباب صعبه
تتحكم بلبسي حجابي
حملتني مسوليه كل شي
كانت تشك فيني بايام المراهقه
والحين حتى لو شافتني صور صوره بالسناب
تعفس وجهها وتجلس تبرطم بالكلام اني
حركات مراهقه وماعرف ايش وكانها غيرانه مني
اللي صار خواتي كبرو وصارو اعمارهم ١٨
وعاشو حياتهم لبس قصير تصوير عاري
برا بدبي يكشفو وامي تاركتهم ع راحتهم
بالعكس تقول تعالي اصورك سناب لاختي
وترسلها لاقاربي بالسفر وهي كاشفه
اللي صار انفجرت من السنه اللي راحت
كشفت بدبي وحصلت مشكله الفندق قامت تقول
تفضحيننا والله لو يشوفه احد يتكلو فينا الناس
وطلعت كل اللي بقلبي قلت ليه ماقلتي لاختي كذا
ليه بس علي انتي فيك شي عشان تحللين ع اختي شي
وتحرمين شي وبكيت وطلعت كل اللي بقلبي
قامت تصرف تثول خواتك صغار وزمنك غير عن زمنهم بكيت وقلت
البنت لو تبلغ عمرها ١٠ زي ام ٥٠ لاتلعبين بالاحكام
عشان تحللين لهم الشي وتحرمينه علي
وصرت البس قصير زيهم وعاري وكشفت طول رحلتنا
مع اني بيني وبينكم وربي ماني مرتاحه
واتمنى البس نقابي واتمنى بالطلعات البس ساتر
بس تعرفو اللي جالسه انتقم من امي ومن نفسي
تعرفي اللي امك محسستك انك عجوز
مايحق لك تلبسي
مايحق لك تصوري
انتي حرمه كبيره لازم اصير نسخه اطباعها
عشان كذا تمردت وبقوه بعد بكل شي
عباتي صارت شبهه فستان كلها بيج
والنص اسود ماطلع الا ريحة عطري كلن يشمه
ومكياج عيون بشكل ملفت
مادري ليه جالسه اسوي كل هذا بنفسي
عشان ماعشت مراهقتي وامي حرمتني
وغطتني بدري
ولبستني زمان عبايه راس!!
او ايش بالضبط
انا احس تبدلت
امي حصل بيني وبينها مشكله كبيره بالفندق
وزعل كل هذا عشان كشفت وخايفه احد يشوفني
طيب ليه ماخفت احد يشوف خواتي
ليه ماتخاف من كلام الناس على خواتي