شوق .. @shok_23

عضوة نشيطة

صرت اكلم نفسي ..انا على حافة الجنووون ابي دعوااتكم

انا كتبت موضوع قبل فتره وفضفضت ونوعا ما ارتحت من كلامكم
بس مازلت تعبااانه وكل يوم يزيد قهري ..
انا اتعرض لكلام جارح من (جدتي) دايم وهالحين انضمت خالتي للعبه
وصارت ترمي كلام جارح ومدري هي ماتقصد او تستهبل ؟؟

كل هذا عشانها تزوجت قبلي ..
عمري 22 وبعد شهرين بكون 23والله اني صرت احاكي نفسي ؟؟

واتذكر كل كلمه قالوها واعيدها ببالي واكررها وارد عليها بيني وبين نفسي وهكذا ؟؟
لين وصلت لمرحله صرت خايفه اجن ..

ليه يتعاملون معي كذا ؟؟!!
انا مو بنتهم ؟؟

ليه يتكبرون علي ؟

والله اني جذابه وما فيني عيب وجاني كم واحد خطبني وماصار نصيب
ولا واحد شافني كلهم من مجرد السؤال عنهم يصير في شي ما نبيه او ابوي ما يرتاح ..
بس
انا صرت محبطه وبدون ثقه بالنفس ...
لي اسبوعين ما رحت جمعاتهم وللحين مصره ما اروح اليوم الخميس
بيطلعون لاستراحه ومابي اروح خايفه اسمع كلام جارح ..

والله لما اعرف ان فيه جمعه ينقبض قلبي ةاقعد ابكي وابدا حاله قلق
اروح ما روح ..
انا اقوى من تصرفاتهم
انا لا ما تحمل
وعلى هالحاله ..

اخر مره خالتي الكبيره تقول لخالتي الصغيره اللي هي قدي وتزوجت
تقولها (( انتي محد بمواصفاتك سمالله عليك الكل يتمناك زوجك امه داعية له
تدرين وحده من صديقاتي تدور لخوها واني اسمع طلباتها واقول هذي مواصفاتك والله اني قلت لزميلتي سبحان الله كنك تحكين عن اختي ؟ لو انها ما تزوجت كان زوجتها لولدك ))

تقول هالحكي باسلوب فيه كبر وفشخره قدامي ؟؟
كني قبيحه والا ناقصه والا عايبه ؟؟
غير هذا انا ما حب احد يتجاهل وجودي ليه انا مانيب بنت ؟؟
لا يجي ببالكم اني تمنيت تذكرني او شي من هالقبيل لا ..
انا ماحبيت طريقتها بالمبالغه بالمدح خصوصا ان هذا مب اسلوبها
علاقتهم مزح وميااانه ولا قد تكلموا بجديه فجاه تقولها هالحكي المصفف ؟؟
انا لي مشاعر واحب احس بوجودي ؟؟
والله اني البس احلى منهم واحكي ازين منهم ووالله ان خالتي المتزوجه ما تفرق عني بشي
درجه جمالنا وحده ؟؟وانا تميز عنها بثقل ورزانه من يوم ما كنا مراهقات

ومع هذا يبالغون كثير بمدحها ويرفعونها على بصوره مزعجه ..

تصوروا قبل لا تتزوج خالتي ايام ما كانت مخطوبه
جاني واحد والله ما كتب نصيب انا رفضته ..
قلت لامي انها تعلمهم < عشان يعرفون اني انخطب ولا فيني شي يعيبني
تخيلوا ان جدتي تقول لي (( ما صار نصيب معليش اصبري ان الله مع الصابرين ))

وتقولها بشفقه ورحمه ؟؟

انا تعبت ليل نهار ابكي والله اني ماعاد للحياه طعم مغير متنكده ..
هذا غير مشاكلي مع خالتي العروس اللي بين فتره والثانيه تقول كلمه مزعجه
وتلمح ان حياتي ملل او مافيها جديد او تتطنز على وقت نومي ؟؟

لا تقولون خلي عندك ثقه ترا اللي صار هذا نتيجه جلسه وحده والا يكثر ما انزعجت منهم ..
في كل مره ابني ثقه وقوه بنفسي وتنهدم من جلسه وحده معهم ..

انا تعبت ادري ما فيه حل الا اني اتزوج ويجيني واحد يحر قلوبهم كلهم ..
لذلك ابي منكم دعوه لي لاني على وشك الجنون مب عشان زوج او رجال لا
عشان اثبت وجودي عشان كرامتي عشان ثقتي بنفسي
ابيهم يعرفون انهم مب احسن مني ابد واني ما انقص شي ابدا لكن هم اللي نا قصين عقل .. ...

ابي دعااااء كم لي بالزوج اللي يحر قلوبهم ..

يلزم عليك تسجيل الدخول أولًا لكتابة تعليق.

تسجيل دخول

ndooo • 17 سنة

الله يرزقك الزوج الصالح يارب ويتمم عليكي وحاولى تبعدي عن اي مصدر قلق او تعب لكي وابعدي عنهم ...لان هذا الشي طبيعي بين الاقارب ومنهم

شعرة معاوية • 17 سنة

ياقلبي توك صغيرة اجل اللي في الثلاثينات والاربعينات وش يقولون
يارب ترزق اختي الحبيبة بالزوج الصالح اللي كل البنات يغارون منها عليه
وتصبر قلبها وتحنن عليها قلب جدتها وخالتها

شوق .. • 17 سنة

ندو
اذا كل اربعا وخميس لازم نشوفهم كيف ابعد عنهم ..
انا حاليا (( بنظرهم مسكينه وراها ماعاد تجي وش فيها ؟؟))

الله يصبر قلبي و يعطيني ما اتمنى ..

شعره معاويه ..
اشكرك بس جد اللي اشوفه خلاني احس اني اكبر من الاربعينات ..

لا يجي ببالك اني ابي الزواج للزواج لا والله انه احس اني فاتني الزواج واني كبيره ابيه بس عشان اسكتهم اعلمهم اني مرغوبه << بس ..

والله عندي اكتئاب ونكد ومالي خلق امسك مشط امشط شعري من كثر ما انا مكتئبه ..

حياتي صارت فلانه قالت وفلانه تقصد وليه تقول كذا وبس ابكي وماغير اتشكى
ملييييت من نفسي ومن كلامهم .

اذا سكتت وما تشكيت قالوا ليه ضايق صدرك ..
احس اني بداااائره مغلقه ..

ابي دعوااتكم بان ربي يشرح صدري ويقويني على كلامهم ويرزقني الزوج اللي اتمناه ..

شوق .. • 17 سنة

عـطـر فـواكـه :

لا يمكنك مشاهدة هذا التعليق لانتهاكه شروط الاستخدام.

اشكرك يا عطر الفواكه .
والله يطيب خاطرك مثل ما طيبتي خاطري ..

والله اني ما قل عنها بشي والفت النظر وجذابه بس صرت اشوف اني ولا شي من هالتحطيم ..
خالتي اللي تزوجت قدي .
بس ليه كل هالحكي والقهر اللي يحطوني فيه ؟..

كنهم يقولون لا تفرحين لنا احسدينا ؟؟

كل تصرفاتهم فيها اغاااااظه بشكل واضح مزعج ..

الله يصبرني ويقويني عليهم ..

مخاوية جروحها • 17 سنة

لا تهتمين لهم هم يغارون منك والله يوفقك ياررب ويرزقك عاجل غير اجل بزواج الصالح اللي تتمنينه