يااختي انامثلك عندي بنوتة وحده والحمدلله والحين تركت اللصقات عشان ابغى احمل وان شاءالله تجيني بنت عشان تلعب مع اختها

مافي مثل البنات يجون حنونات على امهم وابوهم اكثر بكثير من الاولاد الله يصلحهم

والله اسمحي لي انتي اردى منهم
ولا كيييييييف كلامهم مأثر فيك !!!!!!!!!!!
ومتضايقه !!!!!!!

انا حامل واتوقع انها بنت وراح تكون الثالثه وماعندي اولاد
والله ماتضايقت ولا 1%
اتظرها بفارغ الصبر عسى الله يحسن خلقها وخلقتها

لا تشلين هم هذا وانتي اول بنت وكذا اجل لو جتك بنت ثانيه وش تبين تسوين

بقول لج شغله ،، انتي اللي تعطينهم المجال ياثرون فيج،، شفيهم البنات يا حلوهم والله و اذا انتي بتقعدين تتحسسين بتعطينهم مجال،، بس اذا انتي صرتي تقولين الكلام اللي احنا نقوله لج ،، راح يسكتون،، صدقيني اهم شي تكون انتي بداخلج قناعه انه ماكو فرق بين البنت والولد،،واذا بغيتي تغيضين اللي يحاول يغيضج قولي "خير النساء من بكرت بانثى" --- ما ادري شني هذي المقوله بس قالتها لي جارة امي اول ما جبت بنتي الاولى وهي ما عندها الا بنات ،، بكلمتها ذي فرحتني واي احد يحاول يضايقني ارد عليه بهالكلمه والا اطنش ،،، وانا من نفسي لما حملت في بنتي الثانيه كنت اقول حق زوجي دللني ا م البنات والى يومج اذا جا يدللني يناديني بام البنات والله يطير قلبي مع الكلمه هذي ،، ما اشوفها شي يزعل،،انتي هدي اعصابج ولا كأنج تسمعين شي ،،، ما انكر ان الناس كلامهم يضايق بس محد راح يتعب غيرج فبالتالي طنشي

ياختي كل هذا قسمة من ربنا ليه الاعتراض الله العالم بالأصلح لنا وان كان على امك ماعليك هم الكبار في السن كذا يفضلوا العيال على الاولاد ويازينهم لو تجيين بينتين ورا بعض ماشاء الله ونااااسة ووربي تلبسيهم زي بعض وينشغلوا مع بعض بجد نعمة ماحد عارفها الا اللي فاقدها