آه يا ربي من هالعالم والحمد لله على ما اعطيتنا..
أمس كنت رايحة زيارة انا و أهلي لقريبتنا توها والدة وجايبه بنت ومن قبل عندها ولد ومن اول ما شافت وجهي قالت: ببطنك بنت وطنشتها وبوقت الجلسة ولدها كان يطالع فيني وهو سرحان ورجعت وقالت: متى بتجيبين هالبنت اللي ببطنك علشان نحجزها من الحين لولدي؟ برضوا طنشتها وربي ما ارتفع ضغطي من شي كثر ما ارتفع من انها مخليه كل اللي بالمجلس ومتعنين علشان يزورونها ويسوون الواجب معاها وماسكة علي اخر شي قالت:وش ناوية تسمين البنت اذا جات؟هنا عاد ردت عليها زوجة أخوي الكبير وقالت:الظاهر أنك يا أم فلان مو شايفة بالمجلس غير سارة !! اشغلتيها بالاسئلة يأختي اصبري الين ربي يهون عليها وتولد بالسلامة ووقتها بتلاقين اجوبة لكل اسئلتك .. انحرجت وانطمت على طول ..
وربي هالموقف واحد من مليون موقف امر فيها من عرفت الناس اللي حولي اني حامل ومع اني ما كشفت ولا اعرف وش جنس جنيني ولا اهتميت للموضوع ابد ابد لأني دعيت ربي بطفل سليم ومعافى بدون زيادة ولا نقصان وصرت اسمع واطنش ولا قد رديت على احد منهم ولا قد ضيقت صدري بكلامهم ليش انكد على نفسي وانا عارفة ومتاكدة ان كلام الناس ما يخلص ولقافتهم بتطولني سواء جبت ولد والا جبت بنت ..

احمدي ربك على الصحة و العافية و أن ربي رزقك و أعطاك و اللي اعطاك البنت قادر يرزقك الولد سبحانه وتعالى ..
شيلي هالافكار من راسك وخليك موقنة أن كل شي يجي من رب العالمين خير و بركة ..
واللهم لا اعتراض..

الحمد الله والشكر 00

الايام هذه صارت الي عندها ولد كأنها فازت بالجنه

اما البنت العكس

لاحول ولا قوة الا بالله

مدام اهل زوجك ماهم متضايقين
وزوجك ماهو متضايق
وامك تحب بنتك
بالله ليش متضايقه...احمدي ربك غيرك يتمنى يحمل شوفي قسم تاخر الحمل

واللي حملت وعندها ثلاثه اربعه خمسه سبعه بناااات وماشاء الله تبارك الرحمن راضييين بمكاتيب الله

وليش خااايفه تكون خلفتك بنااااات ادعي وارضي بالمكتوووب ,,,,,

الله يرزقك بالولد السليم المعافى الصالح ياقادر ياكريم