صرت ح ….. ومتوترة

هلا بكم ، يمكن كثير تعرفوني عثيتكم بمشاركاتي معكم ، لكن يشهد الله انه من حبي لكم وابي لكم الخير ..
.
انا دايم ا… لكن الجنين يكبر ويموت مايكمل..
وصرت اخر شي أسوي حقن مجهري يختارون لي اجنه صالحة ..
المهم انا لي شهر عالفيتامينات عشان قلت ابدا هالدورة على خير ، فجالسة أعالج اسناني وادوية وشغلانه طويلة ..
.
المهم امس تعبانه وقالت الدكتورة احسن نسوي تحليل ح—هرموني يوم شافتني دايخة وتحلل ويصير ح نسبة ٧.٦٦ يعني فيه هرمون ح منخفض ، قالوا لازم اعادة بعد بكرة .يعني بعد ٤٨ ساعه.
.
المهم انا مصدومة اصلا بدري عالنتيجة انا جايتني الدورة بتاريخ ٢١ رمضان والتاريخ اليوم ١٥ شوال ، المفروض تجيني بتاريخ ١٩ شوال وايام تجيني قبل .. يعني باقي اربع ايام او خمسة على دورتي، ومع ذلك بين الح…
.
للأمانه مرتعبة ويقولون اسكتي لاتتكلمين انه اللي مثلي مفروض تسكت لأنه طبيا سليمة لكن يمكن بي حسد يقولون اسكتي ..عشان القرينه
.
ولله حتى زوجي ماقلت له ولا راح أقول له . وان عرف بقول له اسكت لاتتكلم ولاتناقش انه يقولون لك اسكت ..
قلت لكم الحين لانكم عالم عالنت ولله مانمت زين من التفكير وموكلة أمري لله لكن مدري يمكن حاسين بي فالخوف شي طبيعي .
.
بنات قد ما انا متفاءلة وراجية من الله خير لكن فعلا جالسة أبكي من الخوف لأني تذكرت المستشفى والروعات ..
.
أجلس تخيلوا شهور يرفس ببطني ثم يوم يكبر يقولون لي مات ..اعوذ بالله من ابليس وأفكاره السوداء يبيني أحزن الخسيس . الله يخيبه ولايحزني .
.
استغفر الله استغفر الله ولله مو تشاءم لكن يمكن لأني اكثر من عشر مرات افقد اجنه ..
.
المهم صيرن ذكيات وافهموني ولو بتسألوني عن ال ح… سموه أي شي الا ح… قولوا شخبار الجيران مثلا ..
أطلبكم تدعون لي
.
ترددت قبل أكتب لأني ماقلت لمخلوق ..
ام زوجي تكلمني امس تتطمن علي وانا متنحة قلت طيبة يمكن معي نزلة برد..
.
شفت حلم اخر رمضان سبحان الله ماراح اقوله الحين .. ربي بيتمم لي واقوله لكم