صرخة الحرمان حتكمل مأساتها

هلا فيكم بنات والله ماتتخيلون قد ايش اثر فيني ردودكم وحسسني بالفرحة انه في احد يسمعني وحاس فيني وتمنيت اني تكلمت من زمان حتى كان رحمت معدتي من القرحة من كثر ما اكتم والكل يقوللي توك صغيرة على القرحة واقولهم بقلبي الهم عرفني من انا صغيرة ماحسيت بالاستقرار والامان كله ضياع وخوف لان امي كانت تسافر للخارج تتعالج فكنت اقعد عند الاقارب والجيران وكان الخوف ملازمني وانا اشوف امي قدامي تتالم وانتهت آلامها بالموت وانا عمري 7سنوات وعديت الابتدائي يعني صغيرة مايهمني الا اللعب والروحة والجية ولما دخلت المتوسط وهذي اصعب مرحلة واكثر احتياج لوجود امي معاي بس وينهي؟؟؟؟؟؟؟؟؟؟؟؟؟؟؟؟؟؟؟؟؟؟ولما بديت اتأقلم عالحياة مع ابوي خاصة انه ماكان يخليني محتاجة شي بس ما احد يقدر يملي فراغ الام ولما دخلت الثانوية ورجعت نفس الصورة وكأن الشريط يعيد نفسه الا وهو احساس الخوف والضياع الحقيقي لان آخر أمل بدى يروح مني وهو ان ابوي مرض ونفس المعاناة علاج ومستشفيات مثل ماحكيت لكم قبل وتوفى ابوي لما تخرجت من الثانوية ومن هنا تبدأ حياة القهر من الاخوان وهذي المأساة الثانية................
اول شي طلعوني من بيتنا قالوا ماينفع تقعدين مع 2 اخواني اشقاء مو متزوجين وتعرفون العيال طلعة ودخلة واجبروني اروح عند واحد من اخواني من ابوي قعدت ترم كنت حتى الملازم اعطيه فلوسه عشان يجيبها لي والاكل كنت اشتري عشان اكل وادفع فلوس السيارة اللي توديني الكلية وكل هذا وانا ساكتة لانه لوتكلمت بيتهاوشون معاه وهو شراني فكنت اخاف من المشاكل فاضطر اسكت لان اول مشكلة تهاوشوا فبغت تصير مذبحة قلت اسكت احسن المهم عدى الترم وانا حاملة مواد واناعمري ما عرفت الرسوب لان تخيلوا فراق الام والاب فراق اخواني الاشقاء لاني اموت فيهم وخرجتي من البيت اللي عشت فيه وجودي عند اخ مايبيني والله اللي تحملته كثييييييييييييييييييييييييير وبعد هذا كله يوم خلص الترم تهاوشت حرمته معاه وراحت عند اهلها فبقي بالبيت انا واخوي كان عسكري وعنده استلامات فاجتمعت العائلة الكريمة وقالوا ماينفع اقعد عنده ماعندي احد بالبيت وصايرة كورة يرموني وين مايبون قالوا روحي عند اخوي الثاني وهو بعد من ابوي لان اخواني الاشقاء مو متزوجين شفتوا الحظ ولا كان قعدت معاهم المهم رحت عند اخوي الثاني وانا كنت اكرهه من ايام ابوي لاني كنت عارفه انهم بيودوني عنده وفعلا اجبرتني الظروف حتى القسم اللي كنت اتمنى ادرسه من انا باولى ثانوي والكل يعرف اني حدخل علم نفس بس احرموني منه الله يسامحهم المهم قعدت عند اخوي ثلاث سنوات ونص والله العظيم لو بيدي اقطع هالشريط من مخيلتي مااتردد يااااااااااااااااااااااااااااااااه كنت احيانا اروح الكلية مواصلة من كثر ماابكي احس بنار بقلبي كنت اخاف اصرخ بأي لحظة من دون مااحس بنفسي والله العظيم كنت انزل المطبخ اناظر الادوية عشان اشرب منها واخلص بس بسرعة اتعوذ من الشيطان واجري فوق قبل لااتهور واخسر اخرتي واطلع ابكي من الخوف اخاف يوم اسويها, ولا كنت اتغدى واتعشى معاهم لانهم مايبوني اذاناموا انزل المطبخ اتغدى ونفس الحال بالعشاء بتقولون طيب ليش ماتاكلين معاهم ليش ما جربتي والله جربت حتى المغرب اتقهوى معاهم الاقيهم بس يصارخون عالعيال وهم انا اعرفهم مايقولون لعيالهم شي مطولين بالهم عليهم بس اذا كنت موجودة اسلوب الصراخ والضرب واضح انهم متضايقين من احد حتى الكلام مايوجهونه لي واذا تكلمت يطنشوني ولا كأني قلت شي هذا وش يدل عليه بالله عليكم؟؟؟؟؟؟؟؟؟؟ قضيت ايامي ماانساها طول الاسبوع اقعد بغرفتي وما اطلع منها الا لما انزل اتغدى او اتعشىولوحدي اواروح الكلية وخميس وجمعة لازم يطلعون وماكنت اروح معاهم بس افرح اذا طلعوا على الاقل انزل اتفرج بالتلفزيون واغير الغرفة اللي خنقتني طول الاسبوع ومع هذ مافكوني شرهم كان يهاوشني على اتفه شي حتى على لبس البنطلون مو طواعة بس عشان زوجته اذا منعها ما تقول شوف اختك هو بلسانه قال لاختي وكمان على لبس النقاب وروحة الزميلات وهذا كله الحين يلبسونه زوجته وبنته وبزيادة حتى بنته بالبتدائي يوديها عند صحباتها وانا كنت بالكلية ويعي علي طب ليش يسوي فيني كذا والله يابنات اذا انكتمت احتاج اروح المستشفى عشان اخذ اوكسجين مو المفروض يهديني كان لا يزودها علي ويقعد يصارخ علي والله لو احكي ظلمه لي ماتكفيني 10 صفحات المهم عدت هالسنوات الدراسة عنده والاجازات ادفع تذكرتي وتذكرت اي احد يجي ياخذني اروح عند خواتي.... شفتوا المرمطة اشلون :icon33: خلاص مافين اكتب اختنقت الله يسامحهم اعذروني بنات ارجعلكم بعدين واعذروني قاعده اكتب بلاشعور وطولتها عليكم انتظروني بالمآسااااااااااااااااة الثالثة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟