صرخه لكل بنت من بنات الكليه اللي يلبسون تنوره ميد وبالشارع .. ولكل غيوره على الاسلام

:icon33: السلام عليكم ورحمه الله وبركاته


بنات احنا الحين على وشك عيد وبعده راح نرجع للجد والاجتهادوبتبدا المدارس
والكليات والجامعات.. ****له بتاريخ 16 شوال

الله ينجح الجميع ويوفقهم ..


ابدخل بالموضوع على طول

ياجماعه انا انسانه اغار اغار اغار على الاسلام لابعد درجه احس بالغيض والحره والقهر لدرجه مرات اتعمد اني افرغ شحنتي بوجهه اللي تسوي هالحركات خصوصا بالشارع

يعني انا اروح بالسواق الخصوصي
طبعا بكستاني
لحيته لين صدره ماشاء الله تبارك الرحمن واخلاقه عاليه جدا جدا
لدرجه انه حاط ستاره بيننا وبينه
ويناولنا دفتر الحضور لتوقع كل طالبه موجوده بالباص

ولما يجي يسال كم بنت فيه
او اذا كان واقف برا عند الباب وجيتي فتحتي الباب بتركبين يجي يسالك مين انتي؟؟
وهو منزل راسه
وتلقين البنات انواع التافف والقله الادب
تقولها اسمها شوي بتطقه
وليس هذا الموضوع

والله اني يابناتء حواء
من اول سنه كليه دخلت
عمري مالبست الميد القصير
اللي تحت الركبه ب10 سم
ولا افكر
وكل دفعتنا 2008
قمه بالادب والاحترام مامدح نفسي ولابنات دفعتي
بس كنا بجد نخاف الله قبل شروط وقوانين الكليه اللي حنا فيها

احنا كليتنا معروفه وبالدمام وهما كليتنا مدموجتان آداب وعلوم
وكان سابقا
بوابه خروج الاداب والعلوم
كلها عى شارع عام
وقباله محلات عدي واغلطي
مالذ وطاب من المحلات
من مغسله لمطعم لمكتبه لكوفيره لسوبرماركت لخياط ... الخ
وكنا نسبب زحمه للسيارات
اثناء عبور الشارع
لان بعض الاهالي صاروا يوقفون ع الشارع العام من الجهه الاخرى ونقطع المسافه وشوفي السكرتاريه الامن مخصصين للحافظ على سلامه البنات في المرور
في عز الظهر والشمس قويه..


المهم تطورناا واغلقوا هالبوابات من كثر الشكاوي من الناس العامه ومضايقتنا لهم خصوصا بالشوارع
وفتحوا لنا كرررررررررراج
اتعب وانا اقول كبير
مبني على عده افرع
وكل شارع وكل رصيف مرقم بارقام
يعني من 1 الين 5
تقريبا

زي المواقف

وبوابه ثنتين للعلوم وللآداب

...
وتعالي الساعه 12 او الساعه 2
موعد خروج اغلب البنات
تعالوا شوفوا
تقولين حج.. المشكله الحج مافيه فتن والناس تخاف الله..
لكن هناك حج فضيييييييييييع:44: ام الفتن والبلاوي والمصخره

اللي ضحكتها اخر الشارع
واللي عبايتها اكمامها واسعه وعلى الكتف وكل شي مبين:icon33:
تخيلو المرفق حقها اشوفه؟؟:(
ولون يدها تسطل من الشمس
والساعات والمناكير والاسوار
والللي حاطه لثمه ولابسه افخم نظاره تبرق مع الشمس
وواللي حاطه قط خفيف وملامحها ومكياجها كانها توها حاطتها
والله حاله لدرجه اني شفت بعض البنات يحطون كحل ويضبطون النقاب والعدسات بس قبل الخروج عند البوابات
وقبل لاتطلع من البوابه تتعطي زين
وعند الباب تقط الغطاء وتتلثم وامشي ولاهمك
لا امن حريم ولا امن رجال

ماستبعد عليهم لان ماهمهم الله اللي هو رب هالناس كلها اللي تشوفها

وجالسه تفتن
بالمطوع
وبالهندي
وبالفلبيني
وبالمصري
وبالبكستاني
وبالشباب المراهقين اللي مستانسين جالسين بسيارتهم مكيفه وبس تفرج على بنات خلق الله وترقيم بلوتوثات وقله حيا..
وتفتن الرجال وربي
والمشكله كلهم شيبان ونصهم اجانب سواقين
وقله قليله سعودين
طيب الهندي مو رجال؟؟؟
والفلبيني مو رجال؟؟

وتجيك تمشي ثنائي مع بعض
ورب العرش اللذي لا اله الا هو
انها وصلت الدناءه والحقاره والخساسه انها تمشي وعبايتها مفتوحه
ولابسه
مييييييييييييييييييييد
قصيررررررررررررره
وسيقانها ولاشعره محفوفه حف ولابسه خلخال والمناكير باصابع رجلها والعبايه تطيرررر على ورا

كانها تمثل فيديو كليب

ومشيتها كلها دلع وغنج وتلف يمين ويسار بيسقانهاا
>>>جعل ربي يحرقهم لك بنار جهنم
قولو امين

وكل خلق الله تناظر:(

المشكله درينا ان سيقانك بيضاء
وش المفيد يعني ؟؟
كلنا سيقان بيض

وخصوصا بنات العام اول دفعه سنه اولى
الا من رحم ربي

كلهم سامعين عن الكليه الظاهر انها مرقص

المهم البسي وتسنعي واصبغي واكشخي وسوي اللي تبين بس داخل
بس الزمي حدودك
برااا انتبهي

الدنيا ماهي فوضى خافي ربك اذا ماتخافين على نفسك..
وقولي .. يتحرش فيني
.. اغتصبوني.. خطفوني..

والسبب منكم يالبنات

كلهم هابين بصبغه التركيات اللي بالافلام
طيب ماقلنا شي
بس مو تورين اللي بالشارع

يعني شووفوا
تراني ع الموضه
وكشخه وستايل يآآآي
>>>:(وربي دليل على النقص وعدم الثقه لان لو هي حلوه ماسوت كذا
غصب تبي العالم تشوفها انها هي حلوه
وتجيك وربي تحط القط وشعرها كلها مبين
ويجيك شعرها طويييييييييييييل
لين تحت ال.. بشوي
والله مرات من القهر مابي ادعي عليها
لو ربي بلاها بمرض بشعرها والا بسيقانها وجسمها .. كان عرفت ان الله حق
بس حسافه على بنات الاسلام
وربي شوهتوه

انا انقهر وانفجر اجلس بالباص
اشوف العجب
ومسبحتي معي اسبح واستغفر
وشوفي وحده لاجت من هالاشكال وبالغلط تكون معي بالباص
وضحك وطنازه وقله حيا ومصخره
وتكشف وتقط الغطاء بالسياره
>>> تحسب الظاهر سواق ابوهاا


وشوي التعليقات على البرودكاستات
من الشباب
شفتي تركي وش رسلي ؟
شفتي محمد الغبي الحبيب لين الحين يدق علي؟
شفتي اللي قابلناه بالظهران مول امس الصبح..
ووو.. الخ
علني
اتقوا الله
تجاهرون بالمعصيه

والله عيب

كثير بنات محرومات من الدراسه وهم بقمه الادب والذوق والاخلاق والمستوى الدراسي الراقي
ولكن لم يكتب لهم نصيب
احمدي ربك على حالك
وانك تدرسين والله مقعدك اللي تجلسين عليه ماتستاهلينه
غيرك اولى به من بنات باكستان المشردات مع هالفيضانات

ماقول الكل

لكن البعض

الا من رحم ربي


والا اللي تجيكم ترز يدها قبل وجهها وهي تمشي بالشارع
>>يعني شوفو المناكير ستايل والا؟؟

احمر اخضر اصفر اسود
الوان صارخه
طيب احنا نعرف اننا بنات ونحب الكشخه
بس مو كذا فتنه بالشارع
يعني وش يصير لما تقطين يدك؟؟
اولا خافي الله
ثانيا خافي على نفسك
ثالثا من زين جونا والله يدك تسمر من الشمس

ورابعا تخيلي احد صكك بعين من البنات او الرجال
ترى العين حق

وانتي تتبخترين بجمالك وبياضك وشعرك
وطولك وجسمك
وربي
تجروؤ لدرجه انه صاروا يلبسون ضيق
وبكل ثقه تنزل الراس على كتفهاا
وبدون معاقم ولا شي
مفتوحه والهواء
يمين يسار
مره الرقبه تبين
ومره الساق
ومره الصدر يطلع ولاتدري
ومره .. الخ

آآآآآآآآآآآآآآآآه ياجماعه

من رأى منكم منكر فليغيره بلسانه فان لم يستطع فبيده فان لم يستطع
فبقلبه وذلك اضعف الايمان

امانه عليكم نداء الى كل انسانه مسلمه غيوره على دينها وعلى شباب الاسلام
لاتترددي بالنصح

انا والله صارت لي مواقف مع النصح

علما اني لست مدينه مررررررررررره
انا وسط
بس ايماني قوي
ماترك صلاتي
واعرف حدودي
واكتشفت هالخصله فيني اني اغار على الاسلام كثييييييييييير
من هالشريحه من البنات الضاله ومن فتنهم

والله مرى كنت بصراف قريب من الكليه مع خالي مرى جا اخذ بنته ورحت معهم
لان السواق تاخر
قلت لخالي ابي اصرف

نزل معي
وكانت في بنت داخل تصرف
وعرفت انها من الكليه
من ايششش
من التنوره الميد والمناكير والكشه المنكوشه الواضحه
لانها حاطه قط وبس بدون ماتلف على راسها الشيله
مصخره لاخر حد
وهي طالعه من الصراف
انا واقفه وخالي وبرا في ثنين من الشباب يبون يصرفون ورانا

مرت وقدامهم وهي طالعه صادفتها بوجهها وقلت لها
خافي ربك واستري نفسك
وراحت

ركض
انحرجت وتفشلت

ومره بالكليه وحده تنتظر
وجالسه متكفته
ورسمه صدرها واضحه وهي كانها ببيتهم واقفه و وتتهزز وهي واقفه و
عبايتها مفتوحه
وجيت قلت لها
غطي صدرك ونحرك كل شي مبين وش خليتي
من الحره وبصوت عالي شوي وفيه حولها بنات وكلهم التفتوا شافوها
ومن القهر مشيت

انسدت نفسي صرت والله ماطلع لين يجي السواق
وربي في بنات بقمه الادب والاحترام
قبل لاتطلع تلبس شراب وقفاززات
واتحداك تعرفين لون بشرتها

احنا ماقلنا صيري مطوعه مره وحده

بس خليكي ع الاقل وسط
لا افراط ولاتفريط
خافي ربك واتقي الله وخاف الله بيوم لاريب فيه

ماخفتي من الموت وسكراته
فكرتي بالقبر وضماته
والصراط وعثراته؟؟
فكرتي بالقبر وسؤال المنكر والنكير؟؟
تتوقعين وش حالك؟
وانتي كذا
بتردين علىهم
بتعرفين اي سنه اتبتعتي

... مافكرتي كيف خاتمتك؟؟
بتنطقين الشهاده؟؟ بتموتين على خير والا شر؟؟
..

كثير منهم جاهلات.. مايفهمون وش اللي يسونه جهل وضلال
يمشون على الموضه
الحين اللي صارت ماتضيغ زي شوجي وتقص شعرها بوي وتحط مناكيرات اسود وتتبع الايمو وطختهم واغاني وهوشات وسحبات على المحاضرات
ومغازل مع البنات
وحتى مع الشباب بالشوارع
شاذات بمعنى الكلمه عينك عينك

اذا ماصارت فيك هذي الموصفات يعني مو كووول
يعني مو كيوت مو ذوق
مو اتكيت

صح
يابنات الاداب والعلوم؟؟

هذي دنيا فانيه
والله لو اكتب لين بكرا ماراح اخلص
من حراره ومراره قلبي وحسرته على خواتي بالاسلام وحالهم..

ادعوا لهم بالهدايه

والله حتى الهيئه
احس بيوم من الايام ماراح يقاوموا الفتن

والله كل يوم اشوفهم بالدوريات ووجودهم عند البوابات وشافوا كل شي واكيد نارهم وغيرتهم اكثر مني ومالومهم
من كثر البلاوي اللي تصير ومن كبرها وعظمهاا


الله يصبرهم ويقويهم

وبعيني اشوف الشيخ يقول للبنت تستري
وهي تقول مالك دخل
وحاط مكياج صارخ سماوي بلمعه وشعرها اشقر
ومتلثمه
>>>

تحسب باريس هلتون على غفله

آآآآه بس


لدرجه اني مره من المرات وانا بالسياره رايحه الكليه
حطوا لافته كبيرررررره
اتقي الله يافتاه الاسلام بحجابك
حجابك يعصمك من الناار..

جمله اثرت فيني
حسيت بالحياء والعار
كانني الفاعله

واقول بنفسي


يالله يالله يعني اللي حاط هالعباره الكبيره لافته عريضه

اكيد شاف اللي انا شفته
لالا لا يارب

حسيت بالعار

ليش كذا انتم يابنات
وين العقل

؟؟؟
والله قلبي ممتلي
صرت اكره كل وحده كذا
الله يهديهم يااااااااااااااااااااااااارب

والله ان العامله الاندونسيه والهنديه اللي تنظف الحمام بالكليه اطهر منك
بحجابها


والله حتى رجال الامن اللي برا البوابات شافوا العجب

الله يثبتهم يارب ومالومهم لو ماغضوا البصرررر
من اللي يصير

احس بالغيره عليهم وعلى كل واحد يوقف برا يتنظر اخته
او زوجته
او بنته



لا اله االا الله.. محمد رسول الله
يارب خذ روحي وانا ساجده يارب

اهون علي من الدنيا ومافيها

سامحوني على الاطاله:26::26:


اخيرا خلصتي>>>:icon28::icon28::icon28: