صرخ علي وهاوشني وقفل الخط بوجهي وبكره بيكمل بعد ياربييييه

السلام عليكم بنات كيف حالكم ؟؟؟ بنات انا اليوم جيت عند اهلي وولدي الصغير عمره سنه له ثلاث ايام عيووونه محمره وتدمع واترجى زوجي وده للمستشفى ويقول الخميس ان شاءالله اوديه قلت طيب المهم العصر اتعبته مره وصار يصيح دقت عليه وقلت له تعال وده ويطب فيني هواش ويزعق ويصارخ علي انا ماني آله ود جب تعال رح انا حاولت اشرح له ماعطاني فرصه والسالفه كلها شاري التلفزيون وجب له عامل يركبه بس وهو جالس وجلس يهوشني المهم قفل الخط بوجهي حاولت ارجع اتصل عليه مارد ويعلم والله لو ولدي مو تعبان مافكرت ارجع ادق عليه بس اتعبني الولد المهم اخر شي قلت لامي خلي السواق يوديني المستوصف مع العلم ابوي مايرضي واخواني وحتى هو نفسه مايرضى بس والله بالخش والدس رايحه طالعه من الباب الخلفي لايدري ابوي واخواني وامي تقول لاتتاخرين واتسلف من امي لان مامعي ولاريال والله احراااااج :(واروح المستوصف والله شكلي يرحم بها البزر قالو مافيه الا دكتور عربي مافيه دكتوره وادخل وانواع التميلح ماصدقت اطلع وادخل الصيدليه ولالقى الا علاج واحد والا القى الثاني واروح لكذا الصيدليه يالله لقيت والله اني راجعه ودمعتي بعيني :oومتضايقه وزهقااانه منه ولافكر يدق يسال عن ولده وش رايكم وش اسوي معه يابنات عاد بكره العصر بيجي ياخذنا الله يعييني على الي بيجيني منه من الهواش ساااعدوني بنات وش اسوي طبعا مو عللى روحه المستشفى ماراح يدري ان شاءالله بس لازم يكمل علي الباقي تكفون بنات وش اسوي ؟ وانا وحده ماحب النقاشات والطقاق تتتعبني وخصوصا قدام عيالي :o