صرفت لي حبوب منع الحمل وانا ابي الحمال

دام خلاص مقررين ع الانابيب ف هذي الخطوة جيدة حتى لو مافي كيس

اول شي بالنسبة للكيس كثير دكاترة تعتمد حبوب منع الحمل لعلاج الاكياس مع ان فيه دكاترة يقولوا ان حبوب منه الحمل تمنع تكون اكياس جديدة لان اصلا الاكياس عبارة عن بويضات كبرت ومانفجرت ف منع الحمل يمنع التبويض بكبره ف بالتالي مايصير كيس جديد بس بالنسبة للكيس الموجود اصلا مايسويله شي ، ومع ذلك انا عندي كيس مثلك وعطتني حبوب منع حمل بس تركتهن لان انا ابا احمل والكيس مايمنع الحمل

ثاني شي حبوب منع الحمل خطوة جيدة لك حاليا لان توقفي المبيض عن التبويض تريحيه وتحافظي ع المخزون لان تنشيط اطفال الانابيب جدا قوي وياخذوا اكبر قدر من البويضات ف الطبيب مايريد يخسر اي بويضة احتمال تكون جيده وتروح هدر مع الدورة ف خطوة ممتازة

ربي يرزقنا ويرزقج الحمل العاجل ويسخر لنا وييسر دروب العلاج يارب

انا خذيتها قبل العمليه وانا مافيني تكيس بس علشان الهرمونات ماترتفع
وفيه ناس خذوها عندهم اكياس والحمدلله ربي تمم لهم انا اشوف انه الدكتوره اللي سوته صح

كثير من الاطباء يبدأ بها
عشان الهرمونات تتضبط

امشي على كلام دكتورك