صرنا نشيل هم رمضان و الإجازات بسبب ضغط اخواني المتزوجعلينا>>مكرر

بسم الله الرحمن الرحيم
خواتي بادخل الموضوع مباشرة
عندي 5 إخوان متزوجين ،، وأهلي عايشين في الديره ،، و عندي خواتي الصغار في الكليه و الثانوي،،بس يخلصون اختبارات و يستلمون النتائج ،،يبدأ  عندهم مباشرة الكرف ،؛ تعرفون ليش؟؟؟
لأن 2 من اخواني ساكنين في الرياض و في الخميس و أول ما تبدأ الإجازة طيران يجون الديره و يحطون حريمهم كل وحده عند اهلها!!!! و يجون عند امي و خواتي طوووووول رمضان و العيد ،هنا يبدأ الكرف عند خواتي مساكين ،طبخ سحور و فطور و شاي و قهوة و حلا و حويس: و غسيل ملابس و كوي،،، و ذبايح وشغله لها اول ما لها اخر
و زوجاتهم كل ليلتين أو ثلاث يجون بعد التراويح الين بعد صلاة الفجر !!ساحبه وراها طابور اطفال ،،طبعا يجون كاشخات و مكياج و لبس ،و خواتي مو لابسين توهم مخلصين مواعين الفطور!!يبدأون الحويس من جديد عشان يجهزون قهوةالهوانم!!!!  و يجون يثرون عيالهن عند امي و خواتي!!
تخيلوا والله العظيم هذا نظام أهلي من يوم تزوجوا العيال!!!! من حوالي 16 سنه
طيب يجون الله يحييهم بس ما يبركون عند عند امي مسكينه!!!!! 
ترى عند ابوي شقق فاضية نفسي اعرف ليش مو كل واحد يأخذ مرته و يحطها في شقه و تهتم في زوجها و عيالها و كل ما بغت تزور امها اروح لها مو لازم تجلس عند اهلها و ترمي مسؤولية زوجها على امي المسكينه؟هذولارجال ما ينفع تقولون يأكلون من اكلهم!! 
يبي لهم طبخ و دلع و اهتمام؛؛حتى وحده من خواتي تقول احيانا ما نبغى نطبخ!!!مثلا نجيب تميس ولا أي شئ خفيف ما نقدر!!أمي ما ترضى!!تقول سوي فطور للعيال!!!
بصراحه فكرت أكلم حريم اخواني و اطلب منهم ينتبهوا لازواجهم و يشوفون طلباتهم! مو معقول رمضان امي و البنات شغل و كرف! 
على فكرة زمان مرات كانوا يروحون عند واحد من إخواني متزوج و يقعدون عنده بالأساليع و يحطون حريمهم عند أهلهم قامت زعلت زوجة اخوي و سوت مشكله تقول اول ما أخلص دوام(هي معلمة) استلم إخوانكم المتزوجين !!!الله يحييهم يوم يومين بس مو بالأساليع!! ابغى أسافر ابغى اروح لأهلي و هم طول الوقت طايحين بالمجلس!!!و قالت لو عند حريمهم ظرف صحي أو أي شئ الله يحييهم اخدمهم بعيوني!!!
بصراحة زوجة اخوي هذي محترمة ،؛اذا جاتنا تجيب فطورها معاها و عيالها تراقبهم و تأدبهم! ولا تجي كل ليل ما تجي إلا مرتين أو ثلاث ،؛ والعشر الأواخر ما تجي ابد،،، بس موقفها مع اخواني زعلنا عليها شوي،،والله كانت مساعدتنا ذحين ما عاد يروحون لها إلا زيارات خفيفة ولا يباتون!!!
المهم!!!مين عندها طريقة لحل هذي المشكله؟؟؟ترى انا استحي مره من اخواني ولا اقدر اواجههم!!!! و ايش رأيكم في موقف زوجة اخوي؟؟؟؟