انا الموضوع كله ماهمني لاني متوقعه رد البنات واحد وهو ( قولوا لهم اللي في خاطركم عادي مو غريبين .. والاحسن الام اللي تتكلم ) لكن الشي الغريب انكم زعلتوا على مرت اخوكم اللي كانت تفطرهم ويباتون عندها لانها شالت يدها منهم ! اذا انتم ماتحملتم اخوانكم تبون بنت الناس تكرف لهم ؟ 
حتى هي تبي اهلها واخواتها ولو ماراحت لاهلها تبي ترتاح في بيتها وتاخذ راحتها وتجلس مع زوجها وعيالها وبعد المغرب تخلص شغل بيتها وتتفرغ للعبادة من صلاة وقران وغيره من العبادات ماهي مكلفه باخوانك .. 

حلوة فكرة (انهم بيتزوجون)

والله ياحبيبتي البلا باخوانك مو في حريمهم لاتكلمون الخريم مالهم دخل
كلمو اخوانكم وقولو حياكم 3 او 4 ايام وارجعو لبيوتكم ولا خذو لكم شقه عطوهم بالوجه ومثل ماقلتلك الحرمه مالها دخل ابد البلا من اخوانكم وعلموهم يريحونكم يجيبون فطور من برا تكلمو مو تسكتون
ثانيا وش يزعلكم من مره اخوكم الكبير مالومها تخلص كرف سنه كامله وتسلم رياجيل بعوايلهم شهر الله يعينا ويصبرها وكويس انها تكلمت ماهي ملزومه ابد الا بدوريه مره بالشهر وبس اما غيره ماحد فاضي لكم .. مثل ماخواتك يتعبون الناس تتعب
حددو زيارتهم وقولو لهم بنغضی للعباده والصلاه والراحه روحو لبيوتكم مع حريمكم شفناكم سلمنا عليكم خلاص

خوذو الامور ببساطه ابدو فرزنو من الان عشان يخف الشغل عليكم
السمبوسه بانواعها السبرينق رول المطبق الكبة والكفته ،، الكنافه المبرومه ،، ورق العنب ،، كشنه البيتزا وكشنه الشوربه 
صدور الدجاج جيبوها وقطعوها صغار اوافرموها وكيسوها حق الفطاير كميه كل يوم لحال ،، جزر مبشور للحشوات يتفرزن اللحم اشتروه وقطعوه صغيز للشوربه وفرزنوه ،، 

وبكذا يكون كل شي شبه جاهز والعصر طويل طلعو من الفريزر حق كل يوم بيومه واعجنو كميه شي للخليه للفطور والباقي فطاير لبعد التراويح  وصلحو الشوربه وجهزو التمر وجهزو مرة وحده للسحور لو فيه تقطيع او شي  قبل الاذان بساعه ابدو الشغل وافرشو السفره خلو كل شي جاهز قبل الاذان بثلث ساعه وتفرغو للدعاء 

وانصحكم اذا انتم اربع بنات مثلا واكثر قسمو الشغل يعني يوم ثنتين طبخ وثنتين تنظيف وبكره العكس عشان يخف الضغط
قللو الاصناف وزيدو الكميه 
جيبو غساله توماتيك وغساله اواني لتوفير الوقت والجهد 

بعد السحور نص ينظفون المطبخ والنص ينظفون الحمامات ويكنسون البيت عشان يكون نظيف لبكره 


ماله داعي تقطعون اخوانكم من بيتكم  وتصير حزازيات عشان شغل بسيط لو نظمتو وقتكم راح يمشي
مصير البنات يتزوجون ويروحون وماراح تبقى الا الذكرى الطيبه 

الحل ياعزيزتي ..


اذا جو بالليل يجهزون خواتك حشوة سمبوسة

وحشوة رولات ويساعدونكم باللف ..

وبعد يومين سووا عجينه كبة واملوا الفريزر

اللي بعده حشوة بيتزا

وحشوات للتورتيلا من دجاج كودو وهالحركات
ويقولون لهم ان بالنهار حر مانبغى نطول الوقفة بالمطبخ

حتى الحلا اللي يتفرزن سووه ..

ومسكوهم شغل التفريز وخواتك يكملون شغل بالمطبخ ..

ترا امك تفرح باجتماعهم .

ومافي مانع كل 3 ايام تقولون لواحد من اخوانك يجيب فطاير معه وهو جاي

كل مرة واحد يجيب..

كذا بيروح نصف الشغل .. في النهار..