بنت محمد السعود :

ياحليل مرت أخوك ليش تزعلون منها كل عمرها شايله نفسها وعيالها يوم مصخوها أخوانك تكلمت ومعها حق هي وحدة وأنتم في البيت 3 ومتضايقين كيف وهي قايمة بالبيت والطبخ لحالها لا وزود موظفة وهذي نقاهتها هي ماغلطت ولا له داعي هالكلام أنتِ اعترفتِ كانت شايلة عنكم شوي ومريحتكم يوم بينت أنها مضغوطة زعلتوا عموما ماعلينا من مرت أخوك ذي ترا البلاء موب في أخوانك أميمتك جعلها بالجنة وأمهات المسلمين تشتط للعيال بزيادة وهذا اللي يهد حيل أخواتك ولا مفروض (ماجاء سد) يعني اللي يحطونه يأكلونه ويحمدون الله حافظة شوربة وسمبوسة ولقيمات عالفطور مع القهوة والتمر كاافي ولا هاليومين حركي أمتس وأبوتس وأخواتس قبل يجون أخوانتس للديرة كلموهم وقولوا ترا الشقق جاهزة لكم ولعيالكم حلاة رمضان تجتمعون مع زوجاتكم وعيالكم وتناظرونهم وتنتبهون لهم وتعلمونهم وتشجعونهم على الصلاة والصيام يحتاجون يشوفون الروحانيةً مع أمهم وأبوهم غير أن الكل معيب على قعدة زوجاتكم وعيالكم شهر عند أهاليهم وتكاليف وغثى بزارين وإزعاج لجدانهم كل واحد له شقته يأخذ راحته هو وعياله واللي بيجي يزور يوم يومين فالأسبوع الله يحييه وأخوانك يجتمعون بعد التراويح على بيالة شاهي مع أمك وأبوك وخلاص بدل هالعناء الله يعين هالبنيات في رمضان والله يجعل كل اللي نسويه في ميزان أعمالنا ولايحرمنا الأجر ..

ياحليل مرت أخوك ليش تزعلون منها كل عمرها شايله نفسها وعيالها يوم مصخوها أخوانك تكلمت ومعها حق...