صبغ وردي :

زين فتحتوا هالموضوع و الله عاد هاليومين قلبي متروووووس و ودي افضفض<<< ما صدقت حد يعطيها وجه.. :) انا قبل الزواج كنت من اروع ما يمكن مع اهل ريلي ما عدا اخته العوده ما كانت لهناك تعجبني.. بس كنت هم عادي لان كان اهم شيء عندي امه اللي كانت طايرة فيني.. بس من بدينا ترتيبات الزواج الحرمة بدت تتغير علي و ليومكم يا بنات ما اعرف السبب اللي قلبها علي.. و لما حملت صار موقف قوي بيني و بينها و غلطت علي و انا ما كنت غلطانة و لا ادري اصلا شللي صار و خلاها تكلمني بالطريقة اللي كلمتني فيها و اصلا تفاجأت جدا من اسلوبها و طلعت من بيتها و انا مكسورة ومن يومها علاقتنا بين مد و جزر و صرت احس انها ما تحبني وايد نفس قبل و ان خالتي و اهل ريلي طلعوا من قلبي للابد و انبنت حواجز طويلة عريضة بيني و بينهم.. و خاصة انه ريلي زعل من امه وايد و كلمها و طلب منها تعتذر لي لانها ظلمتني فما كان منها الا انها سبتني و سبته .. الحين صرت اروح لهم احيانا و اقعد معاهم و يمكن اضحك بعد بس صرت ما استحمل منهم كلمة و للاسف احس طبعهم صار فيه نوع من الهمز و اللمز و احيانا خالتي تقط كلام فيه سب و تجريح و تحدي.. لهالسبب صرت معظم الاحيان اخلي ريلي يروح لهم مع ولدي و عموما ما امانع ابدا انه يساعدهم او حتى احيانا يطلع معاهم طلعة وناسة بدون ما اكون انا وياهم.. لان اهم شيء عندي اني ما انجرح و لا اتضايق.. و سلامتكم..

زين فتحتوا هالموضوع و الله عاد هاليومين قلبي متروووووس و ودي افضفض<<< ما صدقت حد يعطيها...