صعبت علي نفسي بعد موقف اخت زوجي

:35:السلام عليكم

مر علي من الموقف اسبوعين وكل ماتذكره اقول حسبي الله ونعم الوكيل يمكن تشوفونه موقف تافه بس جرحني واثر فيني كثير....
كنت عند اهل زوجي وانا ساكنه بنفس العماره وكانت زوجة اخو زوجي بالمستشفى توها والده وكنت احب المولود مرره تعلقت فيه وحاطته بحضني والعب عليه الا واخت زوجي تاخذه من حضني بقووه وتحطه عالارض:44:
وبعد 5دقايق اخذته هي واختها ودخلو غرفتهم وخلو عندي اختهم الصغيره وتأخرو قمت لملمت نفسي وطلعت بيتي ومن وقتها مادخلت بيتهم اسلوبها كان مره دفش ام الولد دايم تعطيني ياه العب عليه وعمرها ماجرحتني بكلمه تقوم هي تسوي كذا معي ومره كانت تقول لي عن سالفة واحد هو وزوجته طولو ماخلفو راح اتزوج عليها وحملت هي وضرتها احسها كأنها تلمح علي....:mad: وانا والله مااقصر عنها بشي حتى الجزم والاكسسوارت تاخذهم من عندي ووعدتها لما تتزج اجيبلها مكياج وعطور وجبت لها وهي لسه متملكه
انا لو تشوفون ملفي الشخصي عندي عيب خلقي في الرحم حملت مرتين اول مره بعد زواجي بسبع شهور وتوقف نبض الجنين وقعدت سنتين ماحملت واكتشفو الاطباء عندي رحم ذو قرن واحد صغير جدا وعملت عمليتين الاولى كانت فاشله والثانيه حملت بعدها بست شهور وعملت ربط وبرضو ربي مااراد وولدت ولاده مبكره بالخامس ونزلت بنتي الي ترجيتها من الدنيا قدام عيني وكنت بمووت لولا لطف ربي وصل عندي الدم 4
ام زوجي لما اكون عندهم تدقني بالكلام وحده من سلفاتي ماشاءالله عندها ولدين وبنت وقالت انها حطت لولب
وقالت لها ام زوجي والله لازوج ولدي وهي عندها ثلاث اطفال ماسلمت منها كيف انا وانا لي 3 سنين و3 شهور متزوجه سلفتي الي تزوجنا انا وهي بليله وحده عندها ولد وبنت الله يخليهم لها مع انها مو مبسوطه بزواجها
وانا الحمدلله مبسوطه بزواجي زوجي كان يقول لي قول العيب فيني بس انا ماارضاها وهم مايدرون ان عندي عيب خلقي:44: ودايم اخته الكبيره تتدخل فيني وتقولي تعالي نروح لممرخه والحريم يقولو لي ودي زوجة اخوك وانا الحمدلله مو مقصره...
زوجي مره حنون ويقول لي انا مقتنع بحياتنا ومبسوط ماعليك من الناس بس كثر الدق يفك اللحام<< مدري هو المثل كذا
الحمدلله على كل حال راضيه بقضاء الله وقدره

ادعوولي يارب مايجي رمضان الجاي الا ومعي ولدي او بنتي يارب ترزقني وترزقكم الذريه الصالحه
احبــــكم في الله
شكرا لكل وحده دعت لي الله يوفقكم ويرزقكم يااارب فعلا اخوات وحبيبات