صعوبة في النطق

السلام عليكم ورحمة الله وبركاته
خواتي الحوائيات أنا عندي ولد عمره سنتين ونص وما يقدر يتكلم أوكي والله تعبت معاه كنت أعتقد إنه عنده صعوبة في السمع بس يوم أجزئ له الكلمة يقول أجزاءها بس أقولها ينطقها غلط مثلا يوم أقول وا يقول وا وأقول حد يقول حد وبس أقول واحد يقول أبره ما أعرف ليش ، وريلي دومه يقولي إنت ما تعلمينه والله دايما أتكلم معاه بس ما شي فايدة وهو ما شاء الله يلعلع بالكلام بس ما نفهم منه شي أنا ولدي عمره أربع سنوات بس ما شاء الله عليه يتكلم أوكيه حتى يحكي قصص من عنده والثالث الحين عمره سنه وبدا يقول ماما وبابا ، والحين أنا في بداية حملي وتعبانة نفسيا والله أبغي ولدي يتكلم أوكي بس تعبت معاه يكسر خاطري يوم يبى شي ما أفهم له ويقعد يصيح ، الله يخليكم شوروا علي أو ادعوا رب العالمين يفك عقدة لسانه