صـديق زوجي :( :( :( :(

السلام عليكم ورحمة الله وبركاته ..

بقولكم يابنات مشكلتي انا ساكنه بمدينه بعيده عن مدينة اهلي

وزوجي ماله بهالمدينه الا اصدقائه

وكل اسبوع تقريبا يروح لهم مرتين

المهم يابنات

زوجي دايم يقولي عن مواضيع اصدقائه وكيف ان لهم علاقات مع بنات

سواء متزوجات او غير متزوجات

وخاصةٍ واحد دايم يقولي عنه .. وهو متزوج وله علاقات مع بنات

ودايم يقولي قصص عنه انه يزني بهم بسيارته او يروح ياخذ له شقه

او يجيبهم لبيته :(

ودايم يعطي زوجي جواله يشوف صور البنات اللي يرسلون له صورهم

ويقول هذي توي متعرف عليها

وهذا والله ياهو حلوه موت

وهذي شف كيف جسمها

ومن هالكلام ..

ودايم يقول لزوجي مغامراته وسفراته للخارج

وش قد حلوين البنات برا :(

وش قد استانس وقضى اجازته من احلى مايكون :(

انا والله تعبت نفسيتي والله

حتى صرت اشك بزوجي .. واقول اكيد بيصير مثل صديقه ..

مع انه مستحيل يسويها ..

بس تعبت كل ماشفته يكلم بالجوال اقول اكيد يكلم بنت

اذا طلع اقول اكيد راح لبنت

والله تعبت حتى هو تعب من كثر اسئلتي وشكوكي

وصديقه هذا يعلم ربي اني ماكد حطيت راسي على الوساده

الا اتحسب الله عليه وادعي عليه ..

بس انا فكرت اكلم الهيئه واقولهم واعطيهم معلوماته واخليهم يمسكونه

ويفكوننا ويفكون بنات الناس من شره

وش رايكم ..؟ :(

+ الله عندها ارقام الهيئه تدز لي اياهم .. او تكتبهم :(