أم دحووومي @am_dhooomy_1

عضوة نشيطة

صـــــالت علي الشغاله وجالت شوروا علي ؟؟؟

حبايبي تكفون شوروا علي شغالتي صالت علي وجالت تبي جوال يعني جوال هيه تخلص في شهر 2 سنتين وفي شهر11 قلت لها تجددين معي سنه واعطيك 800والا قولي من هالحين عشان اقدم بدري ذلتني لين قالت موافقه مع اني عارفه انها موافقه بس تتغلى مع ان ماعندي الا بيبي واحد وبيتي ماهنا شغل كثير ومتفقه معاها من الاول جوال مافيه الا لما تسافرين قبل اسبوع عطيتها رواتبها كلها ماصار لها عندي شي والمشكله تقول اليوم جوال والا بسافر وسألت المكتب عن التجديد قال مافيه عقود بس جددي الاقامه علما اني موظفه واهلي بمنطقه ثانيه واهل زوجي ماهم ذاك الزود الله يغفر لنا ولهم شاسوي اجيب جوال بس خايفه منها تجيب لي بلاء بالبيت لاني زوجي مايبي شغاله وانا اللي جايبتها وعلي كل شي حتى لما يصير شي يلومني دايم ويقول مشكلتك افكر اجيب لها واحدد لها الاتصال بأرقام محدده بس ماعرف كيف وخايفه :44:على ولدي تعبااااااااااااانه تكفون شوروا علي هالحين جالسه تبكي تقولون اني طاقته مع اني اعاملها احسن من اختي والله العالم

هذا الموضوع مغلق.

صغير وينبض • 16 سنة

والله يختي لاحظت مايخربون الا من المعاملة الزينة والله يسهل امرك حاولي تسايرينها

عروق نجد • 16 سنة

اقول بس روحيها والله يغنيك عنها بالعافيه وحطي ولدك بحضانه على الاقل يعرفوا للاطفال مو وحده ماتدري وين ربي حاطها

وحلو الى صار زوجك ما يبي شغاله يعينك على البيت

والله ماجاب لنا البلا الا هالشغلات وتعلقنا فيهم كاننا بنموت لو ماجوا عندنا ماندري ان اغلب الامراض اللي فيها منهم ومن قل الحركه

أوشن دريم • 16 سنة

دامها كذبت عليك وتقول انك طاقتها والله لو منك لاسفرها واذا على الوظيفه خذي اجازة والا حطي ولدك في حضانه احسن من هالشغالات على الاقل فيه ناس تراقبهم

أم دحووومي • 16 سنة

تقولين احطه في حضانه في هالبرد والصقيع وبعدين الحضانه يبغى لها سواق ومشوارو700 ريال شهريا وبسراحه الحضانات جدا غير نظيفه لاتقولين لا لانها كلها مايهتمون وانتي تعرفين مشاوير الرياض وبعدين اصلا زوجي راعي دوامين مايتحمل مسؤلية شي والله يفرجها

جنى بلبل • 16 سنة

الله يعينك لللللللللللااااااااااااااا تجيبين لها جوال :mad:من تبغى تكلم :44:اذا كانت تبغى تكلم اهلها اشتري لها بطاقه تلفون تكلمهم من وقتها :icon33: لاتجيب لك المصايب من ورا الجوال وخليك حازمه معها:mad: