أسأليني انــا عن هالنوعية من الصديقات أو بالأحرى
هـم أصلا مـو صديقات

بالله عليك تعتبرين هذي صديقة !؟
وش مفهـوم الصداقة عندك عزيزتي ؟؟

ما اعتقد إن هـذي صديقة حقيقية
لأنه على حسب وصفك لها .. ح ـسيت ان طبعها وتصرفاتها جدا
حادة ... وزي ماقالت أحد الأخوات الصديقة نرتاح معها مــو تغـثـنا !!
ونفسي أعرف وش مصبرك عليها اللحين ؟
اسمحيلي عزيزتي
هذي ما اعتبرها إلا صداقة مصلحة ، يمكن
تبغى منك شيء أو إنك دايم تساعديها، و هي معتمدة عليك بشيء
والله اسأليني انا ياما وياما صادقت وإلى اللحين مالقيت وحدة تستاهل
وتدرين وش سويت ؟ تبت إني اصادق احـد :09:
بس انتي تقولين ماشاء الله عندك صديقات غــير عنها .. طيب خلاص
لا تعطينها وجه
وإذا قالت لك انتي ماتبيني او شيء لا تردين عليها بكلام سيء ، لأنها ولو تظل
هذي اختك لكن فهميها ان هي السبب وقوليلها اللي بخاطرك
يمكن هـي ياعمري ماتدري !؟

وإذا مانفع هالشيء معاك .. وارسلت مثلاً وتهددك انها راح تتركك
لا تردين بعـد عليها
استكي وشوفي وش بتسوي .. أكيد هي اللي بترجع لك وبدون ما تكلمينها بعد
وأنا متأكدة
إنها هــي اللي بحاجتك مو انتي ..


.
.


هذي نصيحتي لك أختي ..
وأعذريني يمكن قسيت شوي :D
بس والله من الحرة اللي فيني > مجربة :D

انا بعد مريت بتجربه كذا قريب وانا ما توقعت انه بهالعمر تجي وحده اصغر مني وتنكد حياتي كذا

انا اقول لك اول شي طبعا اقطعي علاقتك فيها

لأن تأثيرها ممكن يكون مره سئ على نفسيتك وثقتك مع ان ماله دخل ابد بشخصيتك وانتي مو متساهله بس هذا الي انتي متربيه عليه ولا قد قابلتي هالنوعيه المجنونه

بس اذا تحسين في نفسك القوه واجهيها قبل لأنه بعد فتره بتحاسبين نفسك على الي صار وبتقولين شلون سكت لها بهالموقف او هذا فلو كنتي واجهتيها بالنهايه بتحسين احسن وما راح تلومين نفسك

اما اذا لا ارسلي لها بس رساله قولي لها انك ما تحسين ان شخصياتكم تتناسب والوجه من الوجه ابيض

وريحي راسك

((الباب إلي يجيك منه ريح سده وإستريح ))

صدقيني عن تجربه ماراح ترتاحين الا لقطعتي علاقتك فيها خير شر وانا مثلك كانت لي صديقه مثلها ماكنت مرتاحه سبحان الله كله مضغوطه اعصابي لاني ادور رضاها وهي ولا على بالها يعني كل ماهدنتها وتنازلت كل مازادت قوتها وسيطرتها علي

ربي يعينك وتلاقيلها حـــــــــــــل