مير الله يحيي ويبدزي كل من شطف موضوعي
كيف حالكم كيف عوآلكم ومن يعز عليكم
بصراحه الله يعينكم على خنبقتي وبثارتي
بس مير الله يسلمكم فيه شين بخاطري ودي احتسي به
باطن مرآرتي وجايبلي المر بتسبدي ومصدع بركبتي وماغصن مخي <<اخلصي علينا
اول شي هما الصوره اللي تحت تمقلوا فيها بعد بتعرفون وش بحتسي به
لحدن يضحك على رسمي لترفس ببطنه خخ:icon31:
خخخخخخخ <<يرحم امتس لعدن ترسمين:icon20:
المهم ماعلينا طولت الهرج
بصرآحه موزوعي اللي بدي احتسي فيه منتشر بشكل جنوني وماتكلمت به الا وانا متضرره منه
هو بصراحه منذ مبطي اكيد موجود بس انه زاد الحين بشكل موب طبيعي
اللي هو الحسد والعين
اول كانوا يسمونه العرب تقهد <<فلان تقهد فلان
يعني كيف
نفس التسلبا الجربا اللي بالصوره
نعنبوا بليسهم حريم معد عندهم شغل متفرغين
وقاموا يصوبن بنات خلق الله
ورب البيت شي موب طبيعي
اكبر دليل ماتشوفون الخبيث الله يكفينا الشر منتشر <<لانه عين ماله علاج الا القرايه
والمستشفيات مليانه ناس مايدرون شفيهم
من جد هاللي تصوب بنات خلق الله ماتخاف من ربها كم شخص تضرر منها <<جعلها الساحدز والماحدز والمرض المتلاحدز
واغلبهم من الغل والحسد اللي داخلها تتعمد لاتقولون غصب عنها
بالذات بالعروس
اووووووو عاد بالعروس الله وكيلكم حااااااااره توها طالعتن من الفرن طااااااااااااااازه <<حشى كبسه موب عين:biggrin:
كذا يجونك اغلبهم كذا حرمه على طاولتن وحده ببراقعن واشتغل وصوب( وصووووووووووووووووووووو)<<قال صاروخ واللي صوبوها ((قربع ))انتقلت الارحمة الله خخ
خخ
يعني ابفهم مستخسره تقول مشاءالله تبارك الرحمن
لهالدرجه هالكلمه ثقيله <<يامال المر
تخيلوا جارتنا بسبة عين صابتها يوم شرت بيت جديد وجابت توأم عيال
مات زوجها على طول مذبوح هي وعيالها صابتهم حاله نفسيه
بعدها على طول مات ولدها الكبير بحادث شنيع
بعدها صار على عيالها 3 التوأم واحد غيره حادث مع اخوياهم ومحد تاثر الا هم وواحد منهم انشل قالها الشيخ بيعي بيتك وانقلي
فعلا باعت بيتها نقلت وشرتلها بيت مشاءالله تبارالرحمن كبير
يوم راحت وتفك منها ومن عيالها الحاله النفسيه
بس انصابت من جديد <<اي مو شرت بيت جديد لازم يقومون بالواجب
جاها الخبيث وتوفت الحين
شفتوا ناس مايعطون خير يحسدون الواحد حتى لو ان شاءالله على لقمته اللي ياكلها
ليه كذا مايخافون من كلمه حسبي الله ونعم الوكيل تجيهم من كل صوب
اقولكم مره كان عندنا تمايم في بيتنا
وكان عندنا وحده عينها اعوذبالله صاروخ ارض جو مابقت احدن ماسدحت والديه << اللي بعدوووو خخ
قد نضلت امي من فتره وجاها ورم في بطنها خذت غسولها وتقوم مافيها الا العافيه <<ماسكتنا بالدور بنت الذين
جا وقت العشاء ويقعدون يتعشون انا كنت قاعده لما يخلصون باكل <<ترى موب ذرابه كل ذا خاقتن منها تقول ول عليها تاكل وما سمنت
قالتلي جدتي تعالي تعشي قلت لا مابي<<كل ذا من الخقه
عاد تكلمت ام الشباب<<ياليل ابو لمبه
يووووووو هذي وين تاكل انتي شوفي هالحزام اللي حطاته على خصرها والله لو احطه برقبتي ان مايدخل<<اول مره اشوف احدن رقبته تسنها كرش :icon20:
ومن الخرعه نقزت كن احدن ناقصني واضرب بالاكل واكل اكلن موب صاحي
راحت جدتي خذت غسولها يمكن صابني شي ولا شي ورب البيت مامدى جى الفجر الا وبطني انتفخ واصارخ من قو الالم
وتاخذ امي الغسول تقرى فيه وتكبه على بداية رقبتي ووضيت فيه وارجع الله يكرمكم وبعدها مافيني الا العافيه
عاد تقول جدتي عرق فيهم<<جعل يمحق عرق الناس نعنبوهم ناس ماتورث الا الشين
عمتها منذ مبطين جتنا من زمااااااااااااان وكان جدي شاري لجدتي عنز <<ياحليها مبسوطتن فيها والله لو يجيبلي رجلي عنز ان اشوته هو وياه <<انتي اعرسي بالاول
المهم جت عجيز هانم ومدري شقالت عن العنز تحلف جدتي انها من يوم ماطلعت الا وعنزها ترفس وترفس وانصرعت وانتقلت الا رحمة الله هع هع :blink:
يووووووووووووومااااااااااااا خخ
عاد تدرون وش المصيبه انها تخاف من العين بس يصير جمعة حريم عندها غسول الفناجيل محضر عالسفره<<ملعونة الصير خخ استغفر الله ياربي
والله العظيم يابنات ناس كثيررررررررررررررر تضررو منها
ودي تسذا اخذ عيونهم ذول وطلعها وقليها بالمقلى طبعا بدون زيت عشان تلصق بالمقلى طبعا مايكون تيفال <<تشرط
وحط عليها فلفل حار <<عشان تحترق زين وملح <<عشان تحمصهم بس اخف تحتر زياده والله البلشه <<ابتس لعدن تخيلين عليتس خيالن قصم كافخ
ورب البيت اني حظرت عرس 3 العيد اقسم بالله من يوم مارجعت وانا ماني بخير نمت ساعاتين قمت تعبانه يدي اليسار تتنمل واحس بالم وثقل ببطني مو طبيعي بس ماقلت لحد للحين لما احط عليه زيت زيتون مقري الحمدالله يخف بس المشكله لمااقرا سورة البقره اتعب ويجيني النوم وتثاوب كثير ويمسكني ظهري وبطني وكتوفي مدري شسوي<<مدري هي اعراض عين ولا وجع طبيعي الله يكون بالعون<<بلاتس ماحصنتي عمرتس يالهيسه
لحظه لحظه
بس بصوب اختي عطست اهبووووووو هع هع
والله تبون الصدز شكل نهايتها تسذا يامال الحكه
بس من جد بنات نصيحتي لكم كل وحده تحصن حالها وتستودع نفسها واهلها ربي لاتقول مانيب حلوه ولا شينه ولاشيصكوني عين فيه
ترى الناس معد تعطي خير يصكونتس ان شاءالله على كحتس
وبس احس اني نفخت روسكن ابخلي باقي المكرفون لكم بس امسحوا
هاللي عليه لاني من الحماس لطشت عليه ليمن قلت بس<<الله يقرفتس يالوصخه
قولو كل اللي بخاطركم اسدحوا باللي تبون بس لحدن يطلع برا الموضوع لامسط ظهره بالخيزران
واذا مارديتو لانادي هاللي صكتني عين تصكم كلكم مع منتداكم
<<شكلي ابتكفخ اليوم << قصم قصمات واللي قصم النمله سبع قصمات<<(عادتهم )اني امزح لحدن يخق وينحاش <<خقت:icon30:
ويالله اكرمكم الله <<حيالله من زار وخفف
ما احلل من ينقل كتاباتي بدون اذني
حبيت انوه ان فيه بعض الردود خذوا عني فكره ان فيني فوبيا من العين ومبالغه
بالعكس ترى انا اقسم بالله اني موليه وبصراحه لما اروح مكان ولا مكان ما احصن عمري لين انقرصت
مو مسئلة اني موسوسه ولا شي القصص اللي صارتلي كلها جد مو موسوسه ولا تهيألي لانها واضحه لها علامات
امي كانت طلعلها ورم ببطنها راحت لشيخ قالها عين والحمدالله عرفت منهي وخذت غسولها راحت فحصت ورب البيت راح الورم
وانا الالم اللي جاني فجأه شمعنى راح يوم اغتسلت بالغسول
سوري طولت الهرج
بس انا منزله الموضوع للفايده لا مرض نفسي ولا خوف ولا شي
واللي روحها رياضيه ونفسها خفيفه وتبي تفيد ترد اما اللي تبي تجرح ولا شي ابي راحتها توفر ردها<<سوري عالاسلوب بس حبيت اكتب اللي بخاطري
واللي مومقتنعه بالموضوع
حبيت انزل احاديث للرسول اللهم صلي وسلم عليه عن العين
1-لو قلت لشىء يسبق القدر لقلت العين تسبق القدر
2-اكثر من يموت من امتى بعد كتاب الله عز وجل وقضائه وقدره بالأنفس
يعنى العين
3-استعيذوا بالله تعالى من العين,فإن العين حق
4-لا عدوى,ولا طيرة,والعين حق
5-إن العين لتولع بالرجل بإذن الله حتى يصعد حالقا,ثم يتردى منه
6-ما لصبيكم هذا يبكى؟ فهلا استرقيتم له من العين؟
6-العين حق
7-العين تُدخل الرجل القبر,والجمل القِدر
8-العين حق,تستنزل الحالق
9-كان صلى الله عليه وسلم يأمر عائشة رضى الله عنها ويقول لها
استرقى من العين يا عائشة
10-إذا رأى احدكم من اخيه ومن نفسه ومن ماله ما يُعجبه,فليبركه,فإن العين حق
سوري حبوبات طولتها بس ماحبيت يكون بموضوعي ردود جافه
