هلا أختي نهر الوجود .....
أولا حبيبتي ..اكيد سنك صغير ..لان في هالسن الواحد يكون حساس من ناحية المظهر وانتي أكيييييد انه فيج جمال بس ما اتشوفينه وتركزين على عيوبج فقط ...وانشالله هاي مرحلة اتعدي والغالبية كان ايعاني منها
والحل مش صعب وبالعكس مشاكلج هينه وانشالله بعطيج حلول بيسطة ومش مكلفة واتييب نتيجة بس لا تنسين ان اهم شي الاهتمام والعناية المستمررررررررة ومدام عندج ارادة انشالله تقدرين

1) الأسنان:
- خذيلج من الجمعية معجون خاص لتبييض الأسنان واغسلي باليوم مرتين إلى ثلاثة لين ما يبيض اسنانج واللي راح اتكون بنسبة 10-40% واحسن عن ماشي
-حاولي انج بعد ما تشربين قهوة أو شاي او عصاير انج تمسحين اسنانج بكليبنكس او تغسلين بمعجون لانها سبب رئيسي في صفرة الاسنان وبالذات القهوة
-استخدمي هالخلطة المجررررربة يوميا اتبيض الأسنان بشكل ملحوظ ومن أول مرة وهي انج تعجنين البقسماط (الخيز المطحون) ب عسل وتكون مثل العجينة وافركي فيها اسنانج لمدة دقيقتين-5 دقايق حسب الحاجة وكرريها مرتين في اليوم أو مرة حسب الاصفرار
-اذا كان صفارك شديد فإن اللي كتبته سابقا راح ايخفف بس ما بيزيلة نهائي فلو في امكانية اتبيضنها عند طبيب الاسنان وفي اكثر من طريقة بس انتي خذي الطريقة اللي ما اتسويلج حساسية بأسنانج

2) البشرة
- اولا : لااااااااااازم تستخدمين واقي شمس لانه عدم استخدامة سبب رئيسي لتجعد البشرة وتبقيعها فروحي الصيدلية وخذيلج واحد يناسب بشرتج من حيث النوع والتركيز يعني يمكن 30% أو 50% او 70% حسب بشرتك على اني احسج تحتاجين 70 بس الأفضل اتروحين دكتورة جلدية واتعاين بشرتج
- استخددمي هالخلطة ولا اتغيرين لغيرها ابدا وبتجوفين كيف ويهج يتغير وللامانه انا ما جربتها بس محد ما مدح فيها والسبب لمكوناتها اللي كلها احماض فواكة وفيتامينات وانشالله تنفعج مثل ما نفعت غيرج ونقلتها لج حرفيا من احدى العضوات
((برتقالة بقشرها (كاملة)-بطاطا متوسطة-جزرة متوسطة
تغسل بالماء جيدا ثم تغلى بقشورها على النار حت تلين البطاطا والجزر شوى
بعدين الله يسلمكم تجيبين البرتقالة ةالبطاطة والجزر بدون ما تقصينها وتوضعينها فى الخلط طبعا بدون الماء
اتحطين عليها بياض اربع بيضات - ملعقة ليمون -ملعقتين زيت زيتون -ملعقتين نشا
وتخلطينة فى الخلط بصبح مثل الكريمة ولونها برتقالى حطيها فى زجاجة وضعيها داخل الثلاجة تستخدم كل يوم اويوم وترك وشوفو النتيجة صدقونى روعة واتمنا انكم اجربونها لانكم ما بتندمون ))

-جربي كريم الدوكوين 4% لانه مخصص لازالة البقع وممكن تستخدمين معاه رتن أي عن طريقن وضع كمية متساوية من الالثنين وخلطهم بس في وقت الأستعمال على اني افضل انج اتروحين لدكتورة جلدية لانه يمكن بشرتج حساسة فجربي على منطقة صغيرة وذا ناسبج فهذا شي ممتاز

- حطي برنامج عناية شخصية بشرتج يعني لازم يكون عندج منظف و تونك وكريم ليل لانه شي اساسي خاصة في هالجو الملوث يعني مثلا أو ما تقومين الصبح تستخدمين مقشر للوجه أو منظف وبعدين اتحطين ميلك تونك على الوجه ونفس الشي بالنسبة لليل

- ادهني ويهج بعسل لانه شفاء واذا كانت بشرتج جافة حطي معاه اي شي مثل الروب أوبيض وخلي هالخلطة مرتين في الاسبوع وواظبي عليها لان العسل يكسب البشرة الإشراق

3)الشعر
جوفي انتي وحظج ..فيها خلطات كثيرة للتكثيف في المنتدى وانشالله اتفيدج وحدة منهم .. بس انتي حاولي تكسبين شعرج النعومة واللمعان يعني حتى لو كان خفيف قصيه بطريقة حلوة ولو كان اجعد نعميه واستخدمي حمامات الزيت والزيوت عشان اتحافظين على صحته واستخدمي تونيك للشعر عشان يحافظ لج على صحة فروة الرأس

4) التغذية : صدقيني حبيبتي التغذية تلعب دور كريم في اعطاء النضارة ولا تستهينين بالهنقطة ابدا ..روحي الصيديلة وخذيلي فيتامين للبشرة والشعر بوقت وااحد واستمري عليه لفترة لا تقل عن 3 شهور ولا تستعجلين النتايج وممكن اتجربين الخميرة لانها معروفة بفوائدها ومن ناحية ثانية اكثري من شرب الماااااااء لانه اساسي لنضارة البشرة ةاكل الفواكه والخضروات


5) الاهتمام الخارجي: لازم تهمين في شكلج ..يعني خذي لج مكياج واتعدلي بشكل بسيط يبين كنه طبيعي مثلا حطي بودرة أو كريم اسا سيخفي البقع اللي في ويهج وجحلي عينج على الخفيف عشان يبين طبيعي وممكن تحطيب توريد خدود بشكل بسيط عشان ايبين طبيعي وشوية مسكرة بيعطيج شكل ناعم وجميل ... وشعرج حاولي اتضبطينه وخصوصا القصة ..قصيها بكل يناب ويهج وطلعيها عدال الحريم واهلج


6) القناعة الشخصية والاكثار من العبادات لانها اتخلي في وية نور ..ويوم اتجربين بتلمسين النتيجة

البنات كفو وفو ا

اهتمي بنفسج شوي والمنتدى مليان

شوفي حبيبتي البنات ماشاء الله ماقصروا الله يزوجك وياهم عاجلا" غير اجل
واهم شي وسعي خاطرك >>>>>> وديه للخياط لووووووووووووووول
اكيد عدنك اشياااااااااااااااااااء حلوه كثيره الناس حاسدينك عليها بس فتشي عليها وحاولي ابرازها
وبعد نصائح البنات اتبعيها وان شاء الله تصيرين تقولين للقمر قوم وانا اقعد محلك

ياعمري ليش محطمة نفسك كذا والله ياعمري الجمال جمال النفس اهم من كل لشي
ولا تشيلين اي هم كل لشي ينحل مع العلاج هني البنات برك الله فيكم مية بل مية راح يفيدونج
كل وحدة عندها خلطة مضمونة ونشاءالله يوم بعد يوم تتفتح بشرتك

تحياتي لكم

والله انتظر مثلك بس الحمدلله ماني سمره حييييييييل بس بشوف البنات وانشاء الله تلقين حل