مساكم الله بالخير حبوبات وعساكم بالف خير :)
كان يا ما كان في قديم الزمان :mad:<<<< استوت قصه وان شاءالله ما اطول عليكم
وقبل كل شيء اتمنى تقولون ما شاءالله ولا قوة ولا منه الا بالله
الحوائيات الغاليات على قلبي جداااا
منذ تقريبا تسع او عشر شهور كنت أعاني من حبوب وكلف بسبب حمل والحمدلله على كل حال لم يكتمل وقعدت معاي آثار هاي الحبوب والكلف ورحت لدكتور في المستشفى وعطاني كريم عادي ولكن مازالت الاثار باقيه وبعض الحبوب :( في خلال هالوقت كنت ما خليت ولا خلطه ولا شيء الا لما جربته للبشره عشان احصل على بشره صافية وذات بريق ورونق وبكل امانه انا من النوع الي ما احب المكياج وايد يعني احب اكون على طبيعتي ومااحب احط الا جحال ( كحل ) داخل العين وكنت دايما اتمنى ان احصل على بشره صافية ومورده المهم يا طويلات العمركنت ذاك اليوم في المول وقلت خليني امر ع الصيدلية ولقيت وحده هناك قعدت اسالها على كريمات للبشره وراويتها آثار الحبوب وقالت لي انه في كريم للبقع بصراحه ما خذيت كلامها بمحمل الجد وقلت يلا نجرب ليش لاء بعد شوي قالت لي في واحد احسن من هذا بس السعر غالي عليج شوي !!!!!!:mad: استغربت كلامها مع اني ما ابخل على نفسي باي شيء وقلت لها اوكي بشتريه وخذته يا بنات ورحت فيه البيت استخدمته لمده 5 ايام بعدين مليت منه ما شفت فايده :09:وانضم بكل اسف لقائمه الكريمات الى عندي في الدرج <<<<< هذا درج فيه كل الكريمات اليديده الي ما احس انه فادتني المهم وبعد فتره قررت بكل شجاعه اروح للدكتور تقريبا هالكلام من ثلاث شهور ورحت له يا حلوات وبدات معاه علاج وكل ما اروح له ادفع فلوس الكشف وفلوس العلاج لين دبغني ذاك اليوم بـــ 1500 وحسيت بغصه قووويه ههههههههههههههه وعطاني كريم مقشر ومبيض ومغذي وبكل امانه ما حسيت انهم اثروا فيني ذاك الزود لاني استمريت عليهم قرباه 20 يوم بدون اي فايده !! والحمدلله على كل حال
المهم كنت اقلب بالجريده ذاك اليوم لقيت وحده منزله اعلان عن خلطات طبيعية 100*100 وتشجعت وخذت رقمها ودقيت عليها وطلبت لي خلطه تبييض وتصفيه للبشره وتوكلت على الله وقلت ماتهم الفلوس لاني صرفت وايد اهم شيء احصل على الى اباه باذن الله واستخدمتها يوم يومين ثلاث للحين مافي نتيجه لين كملت عشره ايام بالضبط اقسم بالله الذي لا اله الا هو والحمدلله وما شاااااااااااءالله لقيت ويهي مثل البدر :icon28: ما شاءالله منور وبدت الاثار تختفي منه وتتقلص ما شاءالله عاد بهالفتره بالذات رجعت حق درجي الى ذكرته باول شيء والى حطيت فيه الكريم مال البقع الى قلت لكم عليه الى من الصيدليه وبكل امانه كنت استخدمه واستخدم الخلطه مالت الحرمه الى هي خلطه العسل والحلو في الموضوع انها طبيعيه يعني حتى اذا ربي كتب لي نصيب باذن الله بالحمال ان شاءالله هي خلطه طبيعيه ما تضر الحامل ولا المرضع واستمريت على هالحال استخدم الخلطه والكريم .
الكريم تقولون ماي ترشين بختين على ايديج وبعدها تمسحين ويهج وترقدين فيه بس قبلها تكونين مستخدمه الخلطه وانا كنت اخليها ساعه كامله على ويهي وبعدها الكريم مال البقع والحمدلله حمدا كثيرا وما شاءالله ما شاءالله لي الحين داخله على الشهر تقريبا والنتايج مرضيه وبعدني مستمره الحمدلله ....:)
هذه قصتي باختصار وسامحوني على الاطاله وبنزل لكم صوره الكريم الى قلت عنه والله يوفقكم جميعا
ولي طلب واحد انكم تدعون لي بالذريه الصالحه وانه الله يخلف على باولاد سليمين معافين اللهم اااااااااااااامين يارب العالمين ...
( أشتقت لكلمه مامااااااااااااااااااااااااااااااا)
صوره الكريم :
http://www.x88x.com/2008/6lB37292.jpg
واسمه بالانجليزي iklen وهو منتج فرنسي وباي مكان بتحصلينه يعني اطلبيه عادي ومتوفر ان شاءالله
لكم تحياتي ..:26:
يلزم عليك تسجيل الدخول أولًا لكتابة تعليق.
الله يجزاك خير
ممكن تقولين لي كم سعره هالكريم
والخلطه كيف احصل عليهااا ومن وين
ولكـ مني وافر الشكر
ممكن تقولين لي كم سعره هالكريم
والخلطه كيف احصل عليهااا ومن وين
ولكـ مني وافر الشكر
الله يجزاك خير ممكن تقولين لي كم سعره هالكريم والخلطه كيف احصل عليهااا ومن وين ولكـ مني وافر الشكرالله يجزاك خير ممكن تقولين لي كم سعره هالكريم والخلطه كيف احصل عليهااا ومن وين ولكـ مني...
يعطيك العافيه
والله يرزقك بالذريه الصالحه عاجلا غير اجل
والله يرزقك بالذريه الصالحه عاجلا غير اجل
الصفحة الأخيرة
ما قصرتي قلتى كل المعلومات الف شكر يا قلبي:26: