هاي اول مرة بنزل فيها موضوع بقسم الطبخ و ان شاء الله يعجبكم يا رب
مبارح عالعشا عملت صفايح لحمة شو طلعو طيبيييييييييييييين
و حبيت انزلها الكم
نبدا بسم الله
المقادير :-
نص كيلو لحمة مفرومة
حبتين بصل حجم وسط مبشورييييييين
سنين توم مدقوقين
حبتين بندورة مبشورين
حبة كبيرة فليفلة (فلفل رومي / فلفل بارد ) مبشور
فلفل حار مقطع دوائر
ربع كوب زيت زيتون
ملح
بهارات مشكلة ( زنجبيل مطحون ، قرفة مطحونة ، بهارات مشكلة )
ملح
الطريقة مع الصور .....
اول شي بنحط ربع كوب زيت زيتون بالمقلاية
بنحط البصل عليه و بنحركهم ليدبلو مع بعض
بنحط التوم و بنحرك لتطلع رييييحته
بعدين بنحط اللحمة
بنبهرها و بنملحها
لما تستوي و تنشف ميتها بنحط عليها البندورة و الفليفلة المبشورين ( الفليفلة بتعطي نكهة خيالية لا تستغنو عنها بالمرة)
و بنحركهم سوا
هلأ بنضيف الفلفل المقطع دوائر و بنحركهم لحد ما يتجانسو مع بعض
اخر شي بنحط معلقتين كبار طحينة و بنحركهم لحد ما تنشف المي تاعتهم
بنات بليييييييييز ما حد يرد لأخلص الموضوع
بنفرد العجينة و بنقطعها دوائر كبار شوي
قبل ما احشيها بمدها شوي لتسير بيضاوية
بنحط الحشوة بالنص
و بنسكر طرف
بعدين بنسكر الطرف التاني
او ممكن طريقة تانية انك تقطعي العجينة لدوائر بعدين تفرديهم بالفرادة على شكل بيضاوي بعدين تحشيهم
انا بالنسبة الي هاي الطريقة احسن