يبه شلوووووووووووووووونك ؟؟؟؟؟؟؟


ملل هالكون من دونك :44:


الله يرحمه ويغفر له ويجعل قبره روضه من رياض الجنه

يابووي ليتك حي وتشوف حالي
تشوف وش هو صار من بعد فرقاك!
صار الوطن بعدك من الناس خالي
يابوي أنابعدك سهيرالليالي
مقهورمن دنياي مناومنّاك!
حدتني الدنياوأنا راس مالي
إني عزيزةالنفس مثلك وشرواك !
مافيه شيٍ في حياتي صفالي
حتى الورود إن جيتهاصآرت أشواك! :(
أطيح وآحمولي عليه إثقالي
وأتخيلك مديت لي كف يمناك!
بعدك ولآمره ترى إرتاح بالي
أصفّق على كفي ندم وآتحراك

دقات قلبي تزيد بحرة فيها
والدمع من مهجتي بالحزن ذرافي

من لوعة يا عسى ربي يجليها
حمى غشتني بغم وتنفض أطرافي

ليت الليالي تعود بحلو ما ضيها
هيهاتي ترجع بما روَّح وما طافي

كل(ن) يعزي وأنا روحي أعزيها
رحيل أبوي اللي بالأفضال معطافي

آهـ من الوقت والدنيا أثنِّيها
دنيا تفرق شمل بالحيل تنعافي

بسمتك يا والدي ما ني بناسيها
تضحك إذا شفتني بالخير متعافي

ليت العمر ساعته تنباع وأشريها
بأغلى ثمن يايبه للعمر تنضافي

غرشة دهن عودك بدرجك أغطِّيها
أشم ريحه وكنك مقبل(ن) لافي

نظارتك شلتها حزني يبكِّيها
حتى المساويك ناحت بين الأرفافي

وعصاك مسنودة(ن) جيت أبحاكيها
تقول يكفيني ما فيني ترى كافي

وبستانك اللي به النخلات تسقيها
يبست سواقيه تمره دون خرافي

يبه .. يبه .. يا يبه لمن بأطرِّيها
هني من له أبو حي(ن) وينشافي
فنجال قهوة معاك أوقات نغليها
ويضمني بالشتاء في مشلح دافي

همزت رجليك أنا أفدى مواطيها
أرجي لبرِّك عسى ما تشكي خلافي

الارض ضاقت علي باوسع فيافيها
ماذقت نوم هني والانس متجافي

فضايلك يا يبه عجزان أوَفِّيها
لو وصلت بالشعر بيت الألف من قافي

يا ربي تجعله للفردوس ناصيها
ومن ثمار الجنان الاخضر قطَّافي










يرحمك ربي يا يبه،،

الله يخليك ويحفظك ويطول بعمرك يايبه

اه اه لو يرجع اعلمك وش اقوله بس هو يرجع لو شوي ابييييييييييييييييييييييييييييييه ولا له مقاس لقدره

الاب:سند
الاب:عزوة
الاب:مملكة من العطاء
الاب:الحضن الوفي
الاب:مهما كانت قسوته يبقى الرجل الكبير
الاب:الحصن اللي لايمكن يخونك
الله يخلي لنا الاب الطيب الحنون حتى لو كان قاسي
قسوة ولا عدم وجود اب
موضوع رائع جدا وفي الصميم