السلام عليكم
اليوم عملت صفيحة باللحم وطلعت يمي يميييييييييييييييي لزيزة
وكمان ما بدها شغل كتير
وانا مقاديري شوي لانو احنا 3 بس انا وزوجي وبنتي الصغنونة الله يحميها
يعني اللي عيلتها ماشاء الله كبيرة بتضاعف الكميات
وهالمقادير عملت معي 18 قطعة
مقادير العجين
2 1\2 كوب دقيق
ملعقة كبيرة خميرة
ملعقة كبيرة سكر
ملعقة كبيرة ملح
3 ملاعق كبيرة حليب بودرة
ملعقة كبيرة سمن كريسكو (يمكن استبدالها بربع كوب زيت زيتون
او زيت ذرة)
كوب ماء دافئ للعجين
حشوة اللحم
300 غرام لحمة مفرومة
حبة بندورة كبيرة مفرومة ناعم
بصلة متوسطة مفرومة ناعم كتير وازا عصير بيكون احسن
ملح وفلفل اسود
2 ملعقة كبيرة زيت زيتون
العجينة هاي انا اعتمدتها من زمان من اكثر من خمس سنين وبعمل فيها كل انواع الفطاير
والبيتزا وبتطلع وااااو طرية ومثل القطن لكن لباقي المعجنات بستخدم 2 ملعقة سكر بدل الوحدة
هون لانها فطاير بلحم مش لازم تكون العجينة فيها حلاوة
وانا كنت بستخدم زيت الزيتون بالعجن لكن الله يجزيها كل خير الاخت makeup_artest
مرة نصحت بسمن الكريسكو بطعم الزبدة وجربته وعجبني اكثر بالعجين انصحكم تجربوه بالعجائن وهاي صورته
الطريقة
في وعاء العجن نخلط الخميرة والسكر مع كوب ماء دافئ ونحرك
ونتركها دقيقتين حتى تتخمر بهالشكل
نضيف الملح والحليب البودرة والسمن ونحرك
ننخل الدقيق ونعجن حتى نحصل على عجينة ملساء لا تلتصق باليد
لو شفتي انو العجينة لسة تلزق بايدك انخلي شوي دقيق لحتى تتماسك
لكن انا دايما تزبط معي بهذه المقادير
*على فكرة يا بنات لما تاخدي كوب معيار لازم تستخدميه طول الوصفة يعني
نفس الكوب تعيري فيه الدقيق والماء واي شيء اخر يحتاج للقياس
نغطي العجين ونتركها ترتاح مدة ساعة
حبيباتي ما تردوا حتى يكتمل الموضوع
نيجي للحشوة نغسل اللحمة المفرومة ونضعها في مصفاة
حتى تتصفى تماما من الماء نضعها في وعاء ونخلط معها البندورة
والبصل وزيت الزيتون والملح والفلفل
الحشوة هلا صارت جاهزة
بنروح للعجين وهيك بتكون بعد ما خمرت
بنقطع العجينة لدوائر صغيرة
بنشغل الفرن من تحت على حرارة 200م
بندهن صينية الفرن بزيت وبنفرد كل كرة عجين بهالشكل
حتى تصير مسطحة
وبعدين بنحط الحشوة عليها وبنكتر شوي ما تخافوا لانو اللحمة
المفرومة بتكش لو ما حطيتي كيمة منيحة بتطلع العجينة فاضية