صفي قلبك ')

السلام عليكم ورحمة الله وبركاته

حبيت اكلمكم عن شيء مهم اليوم والي خلاني افكر اكتب الموضوع مواقف مريت بيها من فترة وغيرت طريقة تفكيري، اكيد كلنا مرينا بخلافات بسيطة او سوء فهم او حاجات زعلتنا من ناس معارفنا او أصدقائنا - قبل فترة كان نفسيتي زفت وانا من النوع الي لما يكون مالي نفس ولا فايقة لاحد اكره كل الناس(الله يهديني) وحصل خلاف بسيط مع احد الأقارب، لاحظت شيء انه كل ما اختلف مع احد او يصير بيننا حساسية من بعض المواقف اجلس افكر في الي يصير وشي يضايقني من جوا رحت واعتذرت وفهمته موقفي والحمدلله بعدها ارتحت وصرت كل ما اختلف مع احد ولو كان هو الغلطان اروح واعتذر- ماتدروا قد ايش الواحد يرتاح لما يكون صافي من جوا، في الاخير كل دا عشان نفسي في النهاية قبل ما يكون عشان احد، فكروا بدي الطريقة كلنا نغلط بس المهم نعترف بالغلط ونعتذر عن تصرفاتنا المقصودة والغير مقصودة لا تخلى احد يكون احسن منك خليكي انتي الأفضل دايما ولا يهمك كلام الناس اهم شيء كيف انتي تشوفي نفسك وهل انتي مرتاحة او لا - وقبل كل شيء احتسبي الأجر والثواب من الله سبحانه وتعالى في كل امورك منها اجر ومنها راحة البال ')


واختم موضوعي بقول الله تعالى في توجيهه لعباده الانقياء

{ يأيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب رحيم } .

وقول حبيبكم النبي الكريم صلى الله عليه وسلم في حديث أبي هريرة قال: { إياكم والظن , فإن الظن أكذب الحديث ولا تحسسوا ولا تجسسوا , ولا تقاطعوا , ولا تدابروا , وكونوا عباد الله إخوانا } .


اعتذر طولت عليكم بس أتمنى فكرتي وصلت لكم