صلة الرحم عبادة لله وثيقة

الوضع مزري مع احترامي وتقديري لكثير من الأسر
تدرون إن : صلة الرحم عبادة لله وثيقة
مثلها مثل الصلاة والصيام والحج والزكاة!
من عظم الأمر
الرحم تقف على الصراط ..
تقول من وصلني وصلته
ومن قطعني قطعته
طلعت علينا رسميات وغراااابيل
وخرابيط
قطعت العوائل
قطعوا الأم عن زوجات عيالها ،
نبي فلان وفلان يزوروننا مرة بالشهر أو بالشهرين مرة
لسان حالهم
وشوله كثرة الزيارات !
أقول : ترى
الناس ماجت من جوع
نحط كيسة خبز وكرتون جبن وصحن فول
وصل الأمر إلى الأحفاد مايشوفون أجدادهم إلا مرة بالشهر!!
ياخزياه من الله بس
وشلون تبون العيال بكرا يكبرون ويزورون عماتهم وخالاتهم ويسلمون عليهم!!
وأنتم ماتبونهم يزورون إلا مرة بالشهر .. !!!
زوجة الولد إذا بعدت بعدوا عيالها معها ..
عاد حجتهم
مانبي زوجات العيال يدخلون بأهل الزوج
أحسن شي تكون العلاقة رسمية
!!
وش عليه أولاه! ؟
زوجة أخوك تراه أم عيالكم
إذا عندك أسرار قوليه لأمك قبل مايجتمعون حريم إخوانك
اجمعوا أخواتكم وإخوانكم
وزوجاتهم براً بأمهاتكم وآبائكم
وبرّاً بأحفادكم
وأعينوهم على طاعة الله بالوصل
عيالكم
إذا كبروا ماراح يعرفون شي اسمه جد وجدتي وعمة وعمتي وخالي وخالتي
والذنب والشؤم على من تسببت
وحطت هالرسميات
الدنيا وين رايحة!!
صدقوني يااخوات
إذا استمر الوضع
راح تصير الحياة كلها للأصدقاء !!
وماراح يعرفون شي عن صلة الرحم إلا الأسماء فقط
حسبنا الله ونعم الوكيل
وحدة تقول لي : من قبل رمضان ماشفت عماتنا !!
وبناتي ماشافوا عماتهم !!
والثانية تقول؛ أهل زوجي يجتمعون بشاليه كل أسبوع
ولي شهور ماشفتهم ولاشافوا بناتي
وراه؟
لأن الحمولة يقولون: لاتجون إلا بموعد
الشرهة ليتهم صغار
اللي قاعدة تقطع العلاقة بين الأم وحريم عيالها ،
بنات متزوجات ومعهن عيال
لكن الدنيا دوراة ..
مابذرتيه اليوم راح تحصدينه بكرا ..
اللهم بلغت اللهم فاشهد
أعينوا أنفسكم بصلة الرحم
وأعينوا أمهاتكم وأبائكم بصلة أولادهم وأحفادهم
وفرحوهم بتالي أعمارهم يامال الغنيمة ..
واتركوا عنكم هالغرابيل.
منقول