صلصة البيزا على طريقتي ومبتكرة

سويت هذي الصلصة أمس وجربتها .. تجنن لا تفوتكم:


لاحظي انها تكون غليظة شوي وإذا صارت سايلة ما في شي يصعب عليج يا الغالية تاخذين ربع كوب ماء وملعقة شاي نشا وتخلطينه وتضيفينه على الصلصة.. الظاهر اني قمت اسبق الاحداث .. المهم
تاخذين 4 طماطم كبيرة تقشرينها وتنزعين البذور منها وتفرمينها في الخلاط لحد ما تصير عصير وتاخذين ثلاث بصلات وتفرمينها بعد في الفرامة لحد ما تصير ناعمة جدا وتفرمين بعد الثوم لحد ما يصير معجون.
بعدين الله يسلمج تحمرين البصل في زيت زيتون لحد ما يصير لونه أشقر وبعدين تضيفين له الثوم لثواني بس لا تكثرين علشان ما يحترق وتضيفين له عصير الطماطم ومعجون الطماطم علبة وحدة وتحركينه وبعدين تحطين رشة ملح وملعقة أكل سكر وملعقة أكل أوريغانو (الزعتر البري) مجفف وفلفل أحمر وربع كوب ماء وتخلينه على النار ربع ساعة.. وسلامتكم
شوفي شكلها شلون حلو بعد ما تستوي