السلام عليكم ياغــــــــــــــــــاليات..
جايبتلكم معاي صلصتين جناااااااااااااااااااااان
الاولى للسمك والبحريات بشكل عام..وهذه اكيد يعرفونها اهل الغربية..جدة ومكة ووولأنهم اصلا متميزين فيها ما شاء الله وماياكلون السمك الا بها....
وهي صلصة الحـــــــــــمر..وانا عن نفسي اموت فيها و احس السمك ماله طعم من غيرها :D ..اما الصلصة الثاني فكلكم تعرفونها اللي هي صلصة الثوم اللي تقدم غالبا مع البروست والمشاوي عشان كذا جبتلكم طريقتها المضبوطة..
نبــــــــــــــــــدأ بسم الله:
صلصة الحمر
بكت حمر مغلف ينباع في السوبر ماركت وممكن تلاقينه عند البهارات تقريبا شكله زي التمر المغلف واسمه(تمر هندي)
حبة بصل مفرومة نااااعم بالفرامة
فصين ثوم مفرومين نااااعم كمان
كمون,ملح,فلفل اسود
الطريقة:ذوبي بكت الحمر في كاس ماء ساخن بعدين اضيفي باقي المقادير ورجعيهم الفرامة او الخلاط الين يصير ناعم وحطيه بالثلاجة لأنها تقدم باردة..
صلصة الثوم
كاس لبن المراعي
حبه كبيرة بطاطس مسلوقة او حبتين وسط
4 او 5 فصوص ثوم وممكن تزودين حسب ما تحبين
ملح
الطريقة:تهرس البطاطس جيدا بعد سلقها وتضاف لباقي المقادير في الخلاط حتى تصير سايلة زي الكريمة وتوضع في الثلاجة لوقت التقديم ....وللعلم ترى هذه وصفة مطاعم البيك اللي في جدة..وبالعافية وجربوها وادعولي
الشعاع المستتر @alshaaaaa_almsttr
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة