مشكوووووووووووووره الله يعطيك الف عافيه

حبيبتي باشاميل انا بسوي وصفتش هادي بكرة انشاء الله على الغدا حبيبتي الصوص الستيك ضروري ولا ممكن استغنى عنو قالولي خلص وانا مستعجلة عليه :(
وابي منك طلب لاني اثق بدوقتش انا ابي اعمل صينية خضار في الفرن بالصوص حلو يعني جبنة كريمة
الشغلات هادي عشان زوجي مايحب الخضار وابي اغير طعمها شفت كم وصفة في المنتدى بس انا اثيق في دوقتش دلني او قوليلي غن وصفة عاملتيها وطلعت روعة ماعليش طلاباتي كثيرة بس تعرفي اني احبتش في الله
واحب استشيرتش :27:
بغيت اقولك عن شيء بالنسبة للمرق اللحم انا مرة شفت برنامج طبخ اجنبي وكانت مرق اللحم بنية غامقة
وكانها صوص ثقيلة عرفت انو المطاعم السر في شوربة المرق هي الي بتميز الصوص ادا عندتش فكرة عن الموضوع الله يجزيك خير خبريني وادا لا بلاش مابي اتعبتش معاي بس ابي نستفيد كلنا ونكتشف
ادري اني طالعة فيها طلعة موضوع الاكتشافات هدا لسة قايمة من النوم :D :D

حبيبتي ا نا بنطرك بكرة الصبح ارجوتش اد كان عندتش وقت تكتبين صينية
الخضار ابي اعملها بكرة مع ستيك ادا ماعليتش كلافة مشكورة حبيبتي
وانتي الصراحة ماتقصرين بيض الله وجهتش :27: :27:

ام علاء : الله يعافيج يا رب :)

كويتية حرة : بكل الجمعيات حبوبه . انا دايما الاقيها بالسره و قرطبه و الروضه .. و هم موجوده بمركز سلطان عند الشوربات .

**بشايـــــــر** : والله ما اعرفها . بس خليني ادور عليها و اجربها لما تكون ثقه انزلها انشاء الله :)

نورا2000 : الله يعافيج ياااا رب :)


ابتسامة_عريضة : حبيبتي والله .. سئلي كثر ماتبين و لا يهمج انشاء الله :)

الصلصة والله انا ماجربت بدونها .. بس معاها بيكون الشغل خمس نجوم و بلاها 3 نجوم :) يعني ينفع انشاء الله بس النكهه معاه احلى
بالنسبه مشكلتك مع زوجك مع الخضار نفس مشكلتي مع زوجي :) و للاسف ورثها لعيالي بس والله ما اعرف اذا بتطلع حلوه مع الصلصه و الجبن و الا لا !!! لكن اللي اعتقد انها حلوه وصفة أختنا ريريتا بموضوعها عن أكلات تشيليز .. كانت الخضار روعه
بالنسبه للخضار قدرت اضيفها لصلصة الاسباقيتي و المعكرونيه بشكل عام بس اطحنها خشن شوي علشان تضيع مع اللحم المفروم بس فايدتها موجودة :)
و هم يحبها لما أسويها بالطريقة الصينية . سواء أضيف النودلز أو من غيره .. حتى مو ضروري اسوي معاه دجاج . مجرد قلي سريع مع صويا صوص و شوية بهار

الصوص الثقيل اللي مع اللحم ما اعرفه والله . و لو تذكرين الاسم يمكن اساعدك . بس اللي أعرفه و كم مره سويته أن أغلب الطبخات الأجنبيه انهم يغلفون قطع اللحم الهبر اللي بدون عظم بالطحين . يعني تغطين كل قطعه . يعدين اقديهم على نار حاميه بزبده و زيت ( علشان ما تحترق الزبدة ليما يحمرون و بعدها شيليهم
. بعدين و بنفس الزيد و الزبدة ضيفي شوية ثوم مدقوق و لما تطلع ريحته ضيفي طحين و خلطي ليما يذوب . و بعدها ضيفي بهارات مخلوطه و فلفل اسود و ملح و صلصة صويا .. و اخيرا ضيفي ماي حار بالتدريج
و لما يطبخ و يغلظ ضيفي قطع اللحم .. قطع بصل مقطع كبار مربعات و الاجانب يفضلون البصل المدور الصغار .. تعرفينه ؟
و خلي يطبخ لما يستوي اللحم .. و قبل التقديم رشيه بشوية بقدونس اذا تحبين

هذي علمتني اياها مصريه كانت تشتغل عند فرنسيين الله يرحمها و يغفر لها .


و صدقيني والله اسفه ان توني اشوف اسئلتج و اسفه عالتأخير بالرد يا الغاليه

و بالعافيه مقدما

هلا والله بأختي العزيزة باشاميل منورة المنتدى وأول ماشفت أكلاتك على طول دشيت وبصراحة أحب أجرب كل شي منك لأن كل أكلاتك موثوق فيها وبغيت أسئلك عن الصلصة الثانية مالت المشروم وين ألقاها ولك مني ألف شكر وتحية :)