صلصــــــــة البشــــاميــــل

السلام عليكم ورحمة الله وبركاته

بدخل في الموضوع على طول

انا لاحظت ان طريقة تحضير البشاميل او الصلصة البيضاء تختلف من وحده لوحده

ياليت كل وحده تكتب لنا طريقة تحضيرها عشان الكل يستفيد

اما طريقتي انا هي صحيح صعبه شوي بس النتيجه مررررررره حلوه

المقادير:
7 ملاعق طحين ابيض
3 ملاعق حليب بودره مذوب في كأس ماء
قليل من الزيت
رشة فلفل اسود وملح
كأس صغير جبن سائل
ماء على حسب الكثافه المطلوبة
بيضه واحده

الطريقة:
احط الزيت مع الطحين في القدر واخلطه الى ان يصبح مثل العجين واحطه فوق النار
اضيف الحليب بالتدريج في البداية ربع الكاس واخلطه الى ان ترجع العجينه مثل ماكانت لكن ألين بقليل
الى ان يخلص الحليب بعدها اكمل بنفس الطريقه بالماء يعني يكون بالتدريج بعد واحاول اني مااضيف الكميه اللي بعدها الا لما اتأكدت ان الخليط انمزج كويس الى ان اوصل للثخن او الكثافه المطلوبه واوقف اضافة الماء بعدها اضيف الجبن وانتظره الى ان يذوب واضيف الملح والفلفل الأسود واخليها تبرد واضيف لها اخيرا البيضه وتصير جاهزه للاستخدام في اي طبق

ملاحظه:
1-يجب الاستمرار في الخلط بسرعه اثناء اضافة الحليب والماء والا راح يتكتل الخليط
2- كمية الجبن ممكن تكون اختيارية بس نصيحه كل ماكثرتي الجبن طبعت ألذ

اتمنى تعجبكم طريقتي ولاتخلون علينا بوصفاتكم اللذيذه

تحياتي للجميع