صلصه للهريس ..بس ايش تاكليها وتخلي الهريس .

اهلين بنات اليوم جايبه لكم صلصه لذيذه بمناسبه شهر رمضان وكل سنه وانتوا طيبين ..وبما انه الهريس من الوجبات المحببه في رمضان حبيت اعطيك هذه الصلصله اللذيذه وعلى فكرة ترى اختكم اللي طالع فيها وجايبه لكم الصلصه ما تعرف اصلا تسوي هريس ..
بس ناويه انشاء الله اجربها هالسنه واخذت طريقه الاخت مس شيف ..وانشاء الله تضبط معي ...

المقادير ..
3 حزم كزبرة ..
4 قرون فلفل اخضر ..
3 فصوص ثوم ..
كتشب فلفل ..
كتشب طماطم ..
خل ابيض ..
سويا سوس( فول الصويا ) ..
زيت زيتون..
ماجي ..
الطريقه ..
1- تفرمي الكزبرة عدل علشان تذوب بالصلصه ..
2- تقطعي الفلفل الاخضر قطع صغيرة ودقيها مع الثوم ..
3- تحطيي زيت زيتون بالمقلاة وتضيفي الكزبرة والثوم والفلفل اولا وبعدين ضيفي شوي من باقي المقادير حسب ذوقك اذا تحبيها حارة وايد ولا متوسطه .. .. ولا تسالوني عن الكميه لاني ما اقيس اضيفها حسب الطعم ..
4- تحمسيها بالنار لحد ما تحسي انه الكزبرة ذابت..
وبالهناء والشفاء ..

والله جربوها تراها لذيذه وسهله وممكن تنحفظ بالثلاجه ..وانا بصراحه استخدمه كسوس للكبب السمبوسه اغمسهم فيها اثناء الاكل ....
وانا جاهزة لاي استفسار ..