صلنفا ولا ابها من يفوززز000000؟؟؟؟؟؟؟؟

السلام عليكم
صلنفا بعيدة جدا عن أماكن التسوق وهي في قمة جبل العلويين ولكن ليس بها معنى للحياة
من خضرة وأشجار باسقة وغابات متشابكة كما في ابها والمدن المجاوره لها ولافرق بينهن من حيث الناس ففي كل منهما مليئة بالسعوديين وأنصحك في أبها فهى أفضل من حيث الأمن والطقس وعلى الأقل من حيث الوطنية بحيث تشجعي وتدعمي السياحة في بلادنا
هذا رأيء الشخصي حسب ماشهدت والأذاواق تتفاوت
ولكن من باب النصح والله يحفظ الجميع دنيا وآخرة

انا رحت ابها و رحت سوريا ....بصراحه ابها حلوة لكن اسبوع و بسسسسسس
مافي اماكن كثيره

اما سوريا كنا مستقرين في الزبداني و نلف و ندور فيها و بالمزارع الروووعه حولها و البحيرات و الجبال و المطااااعم اللي تشرح القلب

أذكر مطعم فوق الجبل تختارين لج مكان بين الشجر تاخذين من فاكهتها و غسلي و اكلي:)و يجيكي طلبك و انتي بين الاشجار شي رووووعه
ما انسى كبتهم لا يعلى عليها فوق الخياااال
(((كان راعي المطعم توه متزوج و فاتح مطعمه و زوجته تطبخ!!!!)))الدنيا سوالف!

بس حسافة تسكر:(

و ما في ملل ...رحنا 3 ايام لبنان...رحنا دمشق رحنا بلودان و كنا بنروح لصلنفا لكن الله يعافيكم دارت علينا سخونه و تعب خلانا نغير راينا خاصة انه صلنفه عن الزبداني تقريبا عشر ساعات.......

غير متعة طريق السيارة ..يعني في مناطق بارده خضرا لو طريق طويل ما تملين........
بعض عيوب السفره للأمانه ..انه هذيك السنه وقت احنا هناك جتهم موجة حر...الجو كان زين الى حد ما ..لكن تعدل بعدين و جانا المطر و البراد الحلو

من سنتين اهلي راحوا صلنفا ردوا مستااااااااااانسين وايد....
و اشوف التصوير مناظر غريبه عجيبه...

يعني تصدقين سقف البيت متساوي مع الشارع!!!!!!!
يعني يدخلون بيتهم من السطح.........شي غريب

و البقره اللي مظيعه و الا هي داشه عرض عليهم...........
صراحه سوالفهم يوم ردوا ما تنمل....

فأقولج اذا انتوا بشريين و تحبون تشوفون طبايع ها الناس و تبون الطبيعه صج سوريا روعه
اما اذا تبون ملاهي و سياحه عصرية فما أذكر اني شفت شي يشوق من ها الناحيه

و في بسوريا مناطق تاريخيه و تراثيه مثل المسجد الاموي.. استمتعت و انا اتخيل الاحداث اللي دارت فيه و منو من الصحابة وقف هني و شنو قال ...........

لا تنسين دامك محتاره الاستخاره بعد الاستشاره و عسى الله يوفقكم و يونسكم بالعافيه و بكل خير:)


أما الاسعار فبصراحه ما اذكر :D سامحيني

صرااااااااحة صلنفااااا الجو روعة ماكانك بدولة عربية شيي خياااااااااال
برااااد وتخيلو الغيوم تمشي حولك عندي صور بحاول انزلهااا لكم بس صراحة مافيهااا شي الا كم مطعم ومقاهي وفندق يعني هي للراحة والاستجمام فقط بس ما تقارن بمناطق سوريا كلها لا بلودان ولا الزبداني ولاكسب حر وازعاج وحوسة
ابهااا ماقد رحت مااقدر افيدك....

راجيه خير مشكوره على نصيحتك ادرس الموضوع
هبات مدنيه شكلنا بناخدج ويانا مع عيالي
ابله عطيات مشكورة وتكفين نزلي الصورة ؤكم الاسعار الايجار الشهري للفلل ومطاعمها اي درجة وسكانها شلون طبيعتهم هل صحيح تخوف لازم اكثر من عايلة معانا افيديني جزاك الله خيرا0000؟؟؟؟؟؟؟؟؟؟