صليت الاستخاره لكن؟؟؟؟؟؟؟؟

لا حبيبتي ..صلاة الاستخاره تكون اذا كان عندك موضوع ناويه عليه وصليتي الاستخاره قبل لا تبدين فيه .. بعدها كملي اللي كنتي ناويه تعملينه .. واذا تسهل امرك انشاءالله راح يكون خيره لك واذا لا ..بمعنى واجهتك مصاعب .. او جاك خبر يردك عن الموضوع .. فالخيره انشاءالله تركه ... اما بالنسبه للاحلام وهالخرابيط .. مو صحيحه ... وعلى فكره الافضل انك تستخيرين اكثر من مره .. ياثلاث اوسبع .. او قد ما تقدرين

اختي باهيه مولازم تنامين بعد الاستخارة ولا راح تحلمين هو مجرد احساس وتوفيق من الله.اتمنى لك التوفيق

ماادري اذا الواحد يحلم والا لا..
بس الإستخاره افضل شي سبع مرات ..
ومن ناحيتي لااحلم ولاشي بس اذا كنت ناويه اسوي شي يجي شي يردني من غير ماقصد..
لحد مايروح الشي ولا اسويه واعرف انه ماكان لي فيه خير..
والا اسويه .. وبس

حبيبتي الاستخارة هي انج تصلين ركعتين ثم تدعين بدعاء الاستخارة المعروف انزين ؟ وبعدها تمضين في الامر فاذا كان خير فراح يتيسر وتتوفقين فيه واذا كان مب زين فراح يسير شئ ويعرقل الموضوع وبيكون خير لج باذن الله تعالى فهمتي علي ؟ ولا حلم ولا تحسين بشئ ولا شئ من هالقبيل ابدا

وبعدين وكلي امرج لله عزوجل وصدقيني ماراح تندمين ابد دامج استخرتي رب العباد سبحانه وارقدي وانتي مرتاحة لانج متوكلة على ربج وهو اللي راح يكتب لج كل اللي فيه خير لج يا الطيبة

اتمنى اكون افدتج وفهمتي علي وحاولي انج تنسين الموضوع وريحي بالج وتوكلي على الله سبحانه وتعالى

والله يوفقنا وياج لما يحب ويرضى ويسهل لنا جميع امورنا في الخير ويعجل بها ويهدينا سبيل الرشاد ويسدد خطانا لما يرضيه عنا سبحانه

سبحان الله شكلك مثلي انا كذا اشتكي لأمي أقولها من استخير يجافيني النوم

ولا أقدر أنام المشكله انتي تفكرين انا ماافكر ... بس أبي أنام يعني ويكون حيلي مهدود

فـ هالشي مدري وش قصته

بس زي كلام الأخوات ماعليك لا حلم ولا خرابيط إنتي استخيري وكملي على الشي الي نويتيه

وإذا الله صدك أو قربك فهذي خيرة رب العالمين

والله يرشدك للي فيه سعادتك وراحتك يارب :)