صليت صلاة استخارة شوفي ايش صار واحكموا!!

بنات طلبتكم عطوني رايكم فاللي صار من بعد صلاة الاستخارة..

من سنتين تخرجت ولا اي وظيفة انعرضت علي.... وكان من الصعب اني احصل وظيفة تناسب تخصصي "خريجة كلية الاداب"..

المهم بعد سنتين قررت اخذ تاهيل مهني بالامارات.. طبعا بعد قهر من الفراغ والوضع... وبعد تفكير طويل وش اللي ممكن يصير لو ما توظفت.. وكان ممكن اتوظف لو اخذ تاهيل مهني...

اللي صار اني صليت صلاة استخارة مرتين قبل لا افتح الموضوع لاهلي.. طبعا الظروف جدا صعبة.. وشفت بمنامي "محمد بن راشد" هههههههاي مدري اذا فيه علاقة..

بعد ما صليت فتحت الموضوع لاهلي..
طبعا كان الرفض قوي بالكلام اللي قالوه والصعوبات اللي حطوها قدامي..
لانه قالوا يحتاج مبلغ كبير ومشاوير وصعوبات السكن والنقل.. يعني حبطوني للاخر..
وظليت على هالحال فترة اسبوع وانا خلاص مستسلمة انه ما فيه تاهيل..
وبظل بالبيت.. وفي راحة نوعا ما..
ولكن يجي الموضوع مرة ثانية براسي ويكبر.. وافتح الموضوع من جديد.. وبعد جدال واخذ وعطا وافق اخوي يسجلني.. غصبا عنه فالبداية..

اللي صار قبل اني كم مرة حاولت لاقدم بالتربية بس بلا فايدة..
لحتى قبلوني بالاداب..

سؤالي الحين: هل اكون غلطانة بتصميمي على شي ما قدرت عليه فالبداية؟؟ وهل الصعوبات اللي واجهتني المفروض منها اخذ نتيجة صلاة الاستخارة وانه انسى هالموضوع لانه ما من نصيبي؟؟

للعلم انا خلاص تم تسجيلي وبداوم للفصل الجاي..

يا ريت يا بنات افيدوني جزيتم خيرا...