صليت ع النبي وتحقق لي اللي ابي

السلام عليكم
باختصار كنت غايبه من الدوام مالي نفس موليا المهم رحت حق الطبيب
واهو يالله بالحسر يعطيني يومين هذا وانا تعبانه وشلون عاد مافيني
شي المهم واجلس بالانتظار طولت تقريبا ساعه ونص لان جايه من غير
موعد وطول ماني قاعده اصلي ع الرسول الصلاه الابراهيميه بنية انه يعطيني باقي هالاسبوع 
مع انه احيانا استغفرالله اوسوس اقول لنفسي حلمي يعطيج
اجازه زين اذا عطاج يوم بعدين يجيني احساس اقول استغفرالله 
ربي ع كل شي قدير مايعجزه شي المهم دخلت عليه وفحص 
علي وكان مره متفاعل معي مدري ليه المهم اخر شي قلت له ابي 
اجازه قال ابشري توقعت يكتب لي يوم يومين وكانت المفاجاه ثلاث ايام 
الحمدلله انا واااايد مبسوطه سبحان الله صار اللي ابيه بالضبط 
الحمدلله الصلاة ع النبي كنز غافلين عنه 
اذا عجبكم الموضوع اتمنى ترسلون لي ولاهلي دعوة بظهر الغيب :)