وثاب يعني تمدحين الكهربائي؟ صراحة جربته ايام الغربة ماعندهم الا هالافران الكهربائية صحيح اني تعودت عليه لكن احس ان الغاز اسرع ويمكن افرانا متطورة عن افرانهم اختي عندها فرن كهربائي ابو تنظيف ومريحها لكن يوم نزلوا اخذت فرن غاز!!!

لومي ياليتي دريت ان هناك افران اقدر اشيل منها هالنظام قبل مايعقدني

*_*
الحين ماينفع اجيب كهربائي لاني كرهت هالفرن وودي اغيره

سكون اهيء اهيء انا يوم رحت اشوف اسم الفرن لقيته سوبريم لوكس من هاس وقلت توووووبة اخذ شي من هاااس مرة ثانية

شكرا اخواتي لمروركن تقبل الله منا ومنكم الصيام والقيام

الله لا يعجلنا.. هاللحين وش معجلتس اضغطي عليه نص ساعة.. اقول ياشين الي يبون يتمدنون..
اجل صمام امااااااان ياظالمة... انتي الله يهديتس سوي مثلي انا من اعرست من اطبخ الا على دافور وساعات اذا تعجيزت احمي العشاء رقيت به في غرفه النوم.. <==مافية راحه اكثر من كذا..
مميزات الدافور:
لاياخذ حيز
سهل الاستخدام
اقتصادي
لونه سماوي بما اني اشجع فريق الجرادية..

انتسان ودتس به ما يغلى عليتس ودي اغيرة خذية وانا اروح اخذ دافور جديد حاطتن عيني عليه تيفال<==قالو وش دراك انها نصبه قال من كبرها

بس فرنتس ذا توحفة تنسه فرين اميمتي الله يطول بعميرها غاثها.. بس يالله احتسبوووووو وخل المدنة تنفعكم
ماضر القراوة<===عفوا من تقصدين ياخالة؟؟

بس امانة ان بغيتي تطبخين على حطب ابي شاهي مشتهية شاهي على حطب.. في كاس فول سوداني ابو عروة وخليه حالي ولا يخدر همااااااااااه
<=========ماتبين معه شابورة بعد ياخالة؟؟!!!!!!!!!!!!!!!!!!!!!!!!!!!!!!!

المهم نسانا القز انتي وشلونتس وذرتس انشالله طيبين والله واحشتني يمال العافية..
لاتنسيني ياوخيتي من دعاتس بهالعشر.. هماه والا ترى ابحذفتس من القائمة حقت الوتر<==هذي هي الصدقة الي يتبعها اذى..

غادة الغيــــــــــــــــــــــــــــــــــــــــــــــــــــــــــــد!!!!!!!

هلا ومرحبا والشهر عليتس مبارك والعشر ومن العايدين الفايزين قبل الزحمة>>>>>>>>>ماصدقت المهم خذي الي تبين خلي الي ماتبين

دافور! دافور وبغرفة النوم ؟! ايه ماذبح الدفاع المدني الا امثالتس وشرواتس .

اجل تبيني امسك المفتاح نصف ساعة؟!!!!! كم يد عندي هاه؟ اخطبوط قالولتس عني ولا ماشفتي حسرتي وانا اللقم اللقيمات!! يدن في العجين ويدن ماسكتن ماعون(اناء للمطورين امثالتس)العجين وابي يدن ثالثة ورابعة عشان امسك هالمفتاح بالله متى نفطر؟!

لكن معليش نبي نصبر اللين تقضي العشر منها نتفرغ للعبادة وبلاش طلعات ومنها نستهلك هالفرن في رمضان لاتتوسخ عيون الفرن الجديد من هالزيوت الي ذابحتنا.

اما الشاهي على حطب مقدورن عليها بس ماطنتي بيطلع ماخدر اما كيسان الفول السوداني ماعندنا كل كيسانا حقت جبن بوك تبين ولا جيبي كاستس معتس وبدال الشابورة ابحط لتس جبنية ما حطيت عليها شيره اصلا انا انوع الي بالشيره للقهوه والي بدون للشاهي خخخخخ فوكيره للعجازات اللهم ياكافي.
.................................
لاتنسيني ياوخيتي من دعاتس بهالعشر.. هماه والا ترى ابحذفتس من القائمة حقت الوتر<==هذي هي الصدقة الي يتبعها اذى..
هههههههههههههههههههه كله كووووووم وهالحتسوه كوم اجل بتحذفيني من القائمه؟!

اللهم تقبل منا ومن غادة ومن يعز علينا وعليهاوالمسلمين اجمعين صيامنا وقيامنا واعتق رقابنا من النار برحمتك يا ارحم الراحمين