صمت الشعور

صمت الشعور :::


هنا في مملكة صمت الشعور ودمعة الاحزان
هنا ياسالفـة عمـر المكـان وضيـه ونـوره

هنا شفتك مثل حلما كانك من ملـوك الجـان
تمري داخل انفاس الغـرام وتسكنـي شعـوره

قريتك من نظر عينك وقلبك مابعد لـي بـان
واحسك من نظر عينك شقيه وبنـت مغـروره

شعوري ماخدعني يوم ولاظني بعـد غلطـان
اجل وشلون لا شفتك وتهـت بعالـم الصـوره

ياخوفي ينكسر داخـل غرامـي كبريأانسـان
واموت من الوله واقف على اطـ! راف تنـوره

دخيلك خففي عني جحود الحـب والعصيـان
دخيلـك لا تخلينـي مثـل مـن ينتهـي دوره

كفايه اني من عنادك شربت الذل والحرمـان
واحس اني وسط قلبك وانا في ارض مهجـوره

كأني ماخلقـت الا الملـم باقـي اللـي كـان
وانا قلبي مع قلبك جروحـه تلغـي حضـوره

الا ياساكنه بين الضلـوع وروعـة القيفـان
دخيلك كفني قلبـي بنبـض الشعـر وبحـوره

وعودي بي الى صمت الشعور بداخل الجدران
مدام الصمت مايقبل يضـم ابيـات مكسـوره

وتعالي جربي حضي وهدي ثـورة النسيـان
تعالي لعنبو جـدك علامـك ليـه مغـرووره

علامك شايفه روحك علا بالك انـا خسـران
انا ديره مـن احلامـك وبالاشـواق معمـوره

انا كلي وطن روحك ونبضك داخلي اوطـان
وجرحي داخلك ينزف ولا حصلـت دكتـوره

تعبت اضمد اجروح المكان ودمعة الوجـدان!
تعبت اكذب على نفسي واقول البنت معـذوره

نسيت اني مجرد شخص يلملم داخلك احـزان
ونسيت انك مثل ظلـك وبالاعـذار مشهـوره

نهايه مؤلمه صارت تعيـش بعالـم النسيـان
وصارت تحتظن ( قلبي ) مثل برواز للصوره