شفت هالدرس وعجبني حيل ولقيته سهل وبسيط
وأنا راح أطبقه بعون الله وقلت لازم بعد خواتي يستفيدون منه بعد الدرس هو عبارة عن صناعة علبة مربعة بعد اختيار الرسمة المراد وضعها على جسم العلبة ,,
الادوات المستخدمة :
الكمبيوتر طبعا ..
قلم رصاص ..
مسطرة ..
محاية ..
مقص او سكين الورق ..
صمغ ابيض ( صمغ الخشب )
واكيد اوراق قوية السمك حسب اللي تختارينه انتي الورق اللي عندي حجمها ( A4 250 gm )
طريقة العمل :
لعمل علبة نفس هالعلبة الطريقة كالتالي ,,
نفتح الكمبيوتر على قائمة البرامج ونختار مايكروسوفت اوفيس وبعدين نختار مايكروسوفت اوفيس بابليشر ,,
راح تفتح لنا صفحة بيضا مكتوب فيها ستارت او بدأ لو بالعربي اعتقد بس اللي عندي انجليزي عموما ..
نختار تحت في صورة ورقة بيضا صغيرة مكتوب عدالها بلانك بيبر بابليكيشن او صفحة فارغة ( اعتقد )
يوم تفتح الصفحة اليدية الفاضية نضغط على الزر اليمين للماوس في داخل الورقة ويطلع لنا قائمة نختار منها تول بارز الادوات ( اعتقد ) تفتح لنا قائمة ثانية ومن هاي الثانية نختار كلمة بيكتشر او صور ..
يظهر لكم فوق في اول الصفحة مستطيل عليه ادوات مربع استخراج الصور من الكمبيوتر نضغط عليه ونختار الصورة اللي نبا نستخدمها للعلبة ,,
في هالعلبة انا استخدمت صورة وحدة ,,,
بعد ما نختار الصورة نضغط على زر انستيل او تنزيل تظهر الصورة قدامكم عادي بحجمها اللي خزنتوها بها ..
بالنسبة لي اخترت صورة باقة الورد اللي تشوفونها او مرة كبرت الصوة لين وصلت تقريا قد الصفحة البيضا اللي عندي ,, وعقب طبعتها ..
وبعدين رديت صغرت الصورة مرة ثانية بحيث صارت في كل خط 3 وردات صغار جنب بعض وباعدت بينهم لان مرات يبين بين الصور خطوط ..
وبعدين اطبع الشكل النهائي لتوزيع الوردات الصغيرة في الورقة ,,
انا سويت حركة ان خلفية الورقتين خليتها من الورد الصغيرة لكن ابيض واسود اونه حركة ..
عقب :
مسكت اول شي الورقة اللي عليها الورود الصغيرة الملونة ورسمت عليها باترون قاعدة العلبة ,, العرض في الارتفاع =العرض = 11 سم والارتفاع = 5سم يعني هاي جوانب القاعة طبعا اما مربع القاعدة نفسه فكان 11 11 سم
بعد ما خلصت رسم صرت محتاجة اني اقص الباترون اللي رسمته انا استخدمت سكين الورق وانتوا براحتكم سكين او مقص على كيفكم ..
مثل ما تشوفون انا رسمت على الورق من ورا المفروض بعد عملية القص يتم محي آثار الرسم الباقية عسب ما تأثر على جودة الشغل
بعد عملية القص ني لعملية ثني اضلع العلبة باستخدام المسطرة او اي اداة ثانية تفي بالغرض..
واكيد نثني على الخطوط المنقطة فقط
يكون الثني بها الطريقة
وباستخدام الصمغ الابيض نصمغ اضلاع العلبة .. بها الطريقة
وها شكله من داخل
عادي تشوفون شي اطول عن الثاني ترا حتى انا بعدني مبتدأة والانسان بطبعه خطاء
وها شكل قاعدة العلبة النهائي
وعلى قولتهم يترك جانبا لينشف هههههههههههه
فـــــاصل ونواصل
ـــــــــــــــــــــــــــــــــــــــــــــــــــــــــــــــــــــــــــــــــــــ
نشتغل عقب في الورقة الثانية واللي فيها الوردة الكبيرة لكن خلفيتها نفس الشي الورود الصغيرة ابيض واسود ,,
نسوي شكل باترون غطاء العلبة والقياسات اللي سويتها مربع قاعدة الغطاء 11,1 سم 11,1 سم اما اضلاع الغطاء فارتفاعهم 1,5 سم ,,
نقص الشكل ويطلع بهالطريقة
ها شكله من الجهة الخلفية
وها شكله من الامام نفس الوردة الصغيرة لكن بشكل اكبر ..
عاد هنيه ممكن تستخدمون هالجهة وممكن تستخدمون الجهة الابيض والاسود على اساس تكون هي واجهة العلبة بس انا اخترت هالجهة ممكن في مرات ثانية اغير اسوي ميكس هههههه
نثني الاضلاع بنفس الطريقة السابقة بالمسطرة وبعدين نصمغها بالصمغ الابيض ويطلع الشكل بها الطريقة
وان شاء الله يكون الموضوع مفيد للجميع واتمنى تكون العلبة عجبتكم ان شاء الله ,,
نقل للفائده
تحــــيتي