السلام عليكم ورحمه الله وبررركاته
جبت لكم فكره حلللوووة تنفع تسوينها مع صديقاتك او اقاربك او اهلك او اي احد وهي صدقات تنفعك بعد الممات وبعضها صدقه جاريه (يعني شي ينفع بعد الموت ) الله يطول في اعماركم في الخيير يااارب لان ماحد ضامن نفسه يمكن يموت هالدقيقه ..
والفكره هي:
انك تشترين صندوق صغير اسمه صندوق (الاربعاء) طبعا تتفقين مع صديقاتك لو كانو 10 مثلا ان يحطون في بيوتهم عن كل يوم من ايام الاسبوع من السبت الى الاربعاء اي شي مثلا ريال او ريالين او 5 ريال (قدر الاستطاعه) واذا جاء يوم الاربعاء يجيبون المبلغ الي جمعوه طول الاسبوع ويحطونه في الصندوق وفي نهايه كل شهر تفتحون الصندوق وتلاقون المبلغ الي جمعتوه واااااااااااو
خاصه اذا كانوا صديقاتك وربعك واااااجد او اهلك كثييير المهم انكم تسوون في المبلغ اللي جمعتوه
احد هذه الافكار:
* الفكرة الاولى:
تتفقين يوم مع صديقاتك وتروحون دار العجزة وتشترون بالمبلغ اللي جمعتوه بعض الاشياء مثل جلابيات ومخلطات اودونات و معجنات او اي شي وتاكلون مع الامهات وتسولفون معهم (يعني تدخلون السرور على قلوب الامهات)
* الفكرة الثانيه:
في العيد مثلا او غير العيد نشتري بالمبلغ بطاقات شحن +
حلاوة +
او كيس رز و كرتون دجاج +
اوكسوه وملابس للعيد +
او حتى الفلوس كاش ونوزعها ع البيوت اللي بالاحياء الفقيره المعروفه ..
* الفكرة الثالثه:
نشتري توزيعات او العاب من محل ابو ريالين نغلفها ونروح دار الايتام ونوزعها على الاطفال ..(بتشوفين فرحه الاطفال كيف)
* الفكرة الرابعه:
نشتري سجدات صلاه صغييرة (اللي تنحط بالشنطه) ونوزعها (تاخذين اجر كل وحده تصلي بأذن الله)
*الفكرة الخامسه:
نشتري بالمبلغ كرسي متحرك ونرسله الى معاق او مستشفى معاقين او للي مايقدرون يشترونه (وفي كل مرة يستخدم هذا الكرسي سوف تكسب انت حسناات بإذن الله)
*الفكرة السادسه:
تشترون بالمبلغ الي جمعتوه اياام البرد بطانيات لناس ماعندهم بطانيات او دفايه (المدفئه)
الفكرة السابعه :
تشترين اكل مثلا (لوزين او فطيرة + عصير او مويا ) وتوزعينها على عمال المباني (اللي يشتغلون في الشموووس مساكين) او عمال البلديه
الفكرة الثامنه :
انكم تشترون مصاحف وتحطونها بالمسجد واي احد يقرا فيه ان شآء الله لكم حسنات بكل حرف بإذن الله ..
وبس سلاااااااااامتكم
واي وحده عندها فكررررررره لاتبخل علينا..
فكرر رررره روووعه