كيفكم اخواتي العزيزات وكيفكم مع الترتيب والتنظيف ,صراحه شغل البيت مايخلص الله يعينا على طاعته
جبت لكم اليوم فكره حلوه وبسيطه وفي نفس الوقت سريعه من تصميمي بس بصراحه استانست لاني حسيت اني سويت انجاز هههههه
بنتي زهقتني بحوست العابها كل مارتبتها فوق الطاوله رجعت وحاستها وكنت ابغى حاجه تجمع فيها اغراضها من دون ما يحتاس البيت
فماكان عندي الوقت اني اروح للسوق واشتري صندوق العاب فجتني الفكره اني اصنعه بنفسي وفعلا صنعته ولله الحمد بوقت مايجاوز الساعه بشرط تكون الاغراض المطلوبه موجوده في البيت
والمطلوب/كرتون+تجليد ذاتي مشجر او ساده على حسب الموجود+ورق كراس ابيض اوملون كله يمشي+مقص+لزاق عريض لنتائج افضل بس لو كان سخيف مافي مانع+مسطره للتجليد وبس
لقيت عندي كرتون مويه كاسات فرغته وبديت العمل فيه
طبعا لان التجليده الي عندي شفافه والكرتون زي ماانتوا شايفين فيه كتابات فاضطريت اني اغلفه بورق كراس قبل التجليد
فبطنته كله باحكام ومشيت عليه باللزاق مره ثانيه حتى يكون متبوك صح
وهذي صورته بعد التبطين بورق الكراس
وحتى من الداخل لازم يتبطن
وبعد ماتاكدت من انه صار مظبوط صار دور التجليده
بدات اجلد بكل حذر بمساعدت المسطره طبعا حتى مايصير اي عفطات في التجليد
مشيت عليه من برى ومن جوى وعلى الاطراف وفي الزوايه والجوانب حتى اتاكد صح من شغلي انه ماراح يخرب اوينفك
وبعد كذا مشيت مره ثانيه باللزاق العريض حتى يتحمل الصدمات
وهذي صورته بعد التجليد
وهذا من الداخل شوفوا اشلون شكله مرتب ماشاء الله علي
وطبعا انا عارفه ان في اشياء في السوق كثيره بس حبت تشاركوني الحل السريع المنزلي الي حصلت عليه بظرف ساعه ونصف وبصراحه جا عندي ثقه بنفسي كبيره اني قدرت اخترع شي سريع يقضي الحاجه المطلوبه
وهذي صورته النهائيه وبصراحه فكني من الحوسه وصارت تتنقل فيه لكل مكان ومن نفسها هي لماتخلص تجمع العابها فيه
الحمد لله
اتمنى تكونوا استفدتوا من عملي الفني
ودمتم