كوبونات الراقية تسجيل الدخول

ام الدحمي 2
انا لاوضيفه ولاشي وعندي 10 الاف وودي اشغلها الاسهم مستحيل لانه ماتكسب اللحين وسمعت عن صندووق المئويه طبعا من شروطه اني مااكون موضفه وانا مو موضفه تقولين له عن مشروعك ويسووون له دراسة بعدين يعطونك القيمه واذا كسبتي من المشروع تردين لهم فلوسهم بدون ماياخذوون زياده صراااحه لي 5 شهور ودي اروح اقدم انا بالقصيم بس زوجي مطنش وش رايكم يابنات سمعتوا فيه ومن جربته منكم واستفادت الله يخليكم لاتطنشونن :44:
12
1K

يلزم عليك تسجيل الدخول أولًا لكتابة تعليق.

تسجيل دخول

نيــــــــــراز
نيــــــــــراز •
ام الدحمي قبل كل شي حاولي تراسلينهم على موقعهم واستفسري عن كل شي

بعدين فكري بالتقديم افضل من انك تتعبين نفسك

بالاضافه صندوق المئويه اذا كان المشروع مستهلك ما راح يدعمك فيه

مثل المشاغل وغيرها

خلي فكرتك جديده واطرحيها عليهم من خلال الايميل الخاص فيهم

حتى دراسة الجدوى فيكي تساليهم عنها وهم يساعدونك فيها

والله يكتب لك اللي فيه الخير
اماني حلوه
اماني حلوه •
ماعندي خبر
ام الغالي وخواته
ام الغالي وخواته •
الله يرزقنا ويااك
نونو كامانونو
نونو كامانونو •
اختي انا مشروعي عن طريق صندوق المئويه
اهم شي مثل ماقالت الاخت نيراز ماتكون فكرة المشروع مستهلكه

هم ياخذون 15000اللي اخذت من 100000وتحت واللي اكثر من 100000ياخذون30000لانهم يسون لك خدمات
منها المندوب جاي ورايح على مشروعك ممكنتذاكر الطيران حقت المندوب تقريبا اخذت 7شهور لين ماسلموني الشيك الاول
راعية الهدلا
راعية الهدلا •
والله ياأختي انا قدمت من فتره ورحت بعد ماتعذبت باللي يوديني المهم كانت الفكره شراكه انا وجارتي نسوي مشغل الاداره انا وهي الشغل وقدمت الطلب بأسمي ورفضوه لاني انا ماعندي خلفيه وانه اعتمد على غيري يعني لازم تكونين ملمه بخبرات للمشروع حقك ممكن يقبلونك وترى كلام اللي قبلي في محله لابد الفكرة جديده ومقنعه وليست مستهلكه كالمشغل ولاتنسين الخبره لها دور في القبول راح يعرفون الشي من المقابله الشخصيه لان كان مشروعي مقبول لين ماوصلت المقابله وبعدها رفض للسبب اللي ذكرته.
والله يوفقك انتي قدمي وجربي وبس.