السلام عليكم ورحمة الله وبركاته
اشتريت من جرير صندوق خشب اريد تغليفه من الخارج بقماش التول من الخارج
واريد تغليفه من الداخل بقماش الساتان
واريد عمل فواصل للصندوق من الداخل فكرت استخدم الكرتون <<لكن كيف اثبت الفواصل بحيث لا تسقط
ارجو المساعده عاجل
اريد تنفيذ العمل بكره لضيق وقتي
شاكره لكم تفاعلكم وردودكم ومساعدتكم مقدما
سكرة حنطه @skr_hnth
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
عدة اقتراحات لاني والله جربت التول سابقا لاتستهيني بيه في التلبيس يحتاج صبر ودقه نبدأ
اول شي من برا اسفنج اول شي لبسي الصندوق وثبتيه زين حلو وبعدها خدي قماس ساتان اما لون ضد
او نفس الساتان الداخلي لتلبيس الصندوق اللي يريحك وجعدي من برا قبل التول او اعملي كسر يدويه
اما مائله او خفيفه المهم تكون لكي لمستك روحي على التجعيد احسن لاني احسك مستعجله طيب بعدها التول
ملاحظه هاااااااااااااااااااامهـ :
الغرا المستخدم مسدس صغير ضروي لانه مايحرق واحد ومايلسع ايدك كل شوي ومايعمل زيطه
من برا يبقى اثر ليه وعن تجربه والله
طبعا بعد ماتبدأي تجعدي التول هنا جعديه حاجه بسيطهعلى نفس تجعيد الساتان بنفس الاماكن عشان يكون التجعيد مرتب تمام وخدي فيونكات وردات صغيره دبابيس كبس
اللي يطلع معاك المغزي من دا الشي لان الغرا يظهر في التول وحطي نقطه نقطه التول محتاج صبر بجد
بس اخراجه رووووعه طيب الين هنا تقريبا نقدر نقول انتهينا من برا ومن فوق الغطا اضيفي لمساتك
اما في الوسط او على جنب اللي يعجبك
من الداخل ياستي ولا شي بس جيبي الساتان على فكره افضل الساتان التفته النوع التقيل جدا رائع
جعدي عادي من الوسط اول وحطي الغرا على الحواف وجعدي حيطلع رووووعه والله مره عملتها في علبه
طيب بعد ماتخلصي رح تكون عندك الاطراف بشعه جدا خدي شريط مطرز ونظفيه على الحواف من داخل الصندوق
تمام وممكن تجيبي الورق الاخضر البلاستك تقصيه صغير صغير كدا وتثبتيه من الدخل على حواف الصندوق
بشكل متناثر في التنيات حيطلع شي كدا غريب وتعطي منظر لصندوق من الداخل
الفواصل خدي المقاسات والغرا اسفل الفاصل من تحت بس قبلها حاولي تكوني لو بالصابونه وهي تبع الخياطه
تحطي علامات عشان لاتتلخبط المقاسات ومو ضروي خلاص ان شاء الله تقدري بدون ماتحطي علامات
ممكن تستخدمي الفلين المضغوط وتبخيه بالبخاخ الخاص الوان الفلين لان تلبيس الفواصل رح ياخد وقت منك
ماله داعي خلاص اللون كفايه عليه طبعا هوا الفلين المضغوط مقاسات اختاري اللي يناسبك والغرا
زي ماقلت لك اسفل الفلين وتثبتيه وتجي معاك تمام لايعدم ولايلخبط ولاشي :)
اتمنى اكون افدتك يارب والله يوفقك دنبا واخره سامحيني طولت عليك واي سؤال تحت امرك