كيف حالكم يالغاليات ...
عساكم بخير
ما شاء الله لا حول ولا قوة الا بالله
القصه وما فيها يا طويلات العمر
قبل خمس سنين ..
فكرة زوجي يجيب لي شغاله برمضان فقط وتمشي بأوائل شوال
وفعلا طبق الفكره من اول سنه قبل خمس سنين
والى هالسنه ما قصر نظر عيني عساه على القوه يا رب
المهم بعد ما جابها قال وش رايك خلاص نقدم دام لك راحه
بوجودها طبعا رفضت مو متعوده وجسمي انخمل بالفتره الي كانت هي عندي
والبركه قلت وكمان لا راحه نفسيه ولا راحه لي ولزوجي وعيالي
حتى النقاش يوووووووووووه بالخش والدس ..
فقلت لنفسي شي ليه هي تاخذ راتب وانا لا بعد كل هالسنين
بتقولون لي طيب اطلبي مصروف
المشكله ان راتب زوجي كله بيدي وهو ياخذ الي له قبل ما يعطيني
وهنا المسؤوليه ولا يمكن افكر بشكل اناني
صحيح اشتري ولله الحمد وما علي قاصر
لكن انا طبعا المسؤوله لو حصل امر طارئ وما كنت مستعده استعداد تام
بعد ما قال نجيب الشغاله دائمه
قلت له وش ناقصك قبل ما تجي قال ولا شي
قلت له اجل انا ابي راتبها الي بتجيبها ونتم على حالنا
قال تم ادري فيك تبين توفرين للعيال :22:
وانا اقول بخاطري ههههههههه خير ان شاء الله والله الراتب كله 700 ريال لي بروحي
لا تهاون بعد اليوم 700 ريال ما راح اشتري فيهم الا شي واحد بس
اما مصروفي فهو لي حق طلعاتي ولبسي وكذا
وبس يا طويلات العمر
من خمس سنين الى يومكم كل شهر اروح محل الذهب
شهر اسويره خفيفه شهر خاتم شهر سلسه ثقيله
الشهر الي بعده تعليقه عليها القيمه للسلسله
وقطعه على قطعه وصار صندوقي مليان
والفضل لله سبحانه
فيااااااااااااااااا بنات الي عندها شغاله
وتبي تستغني عنها وله بتسافر خلصت خدماتها عندك
هاتي لك صندوق واشتغلي
تراني بعت كم قطعه وشريت فيهم شبكه جديده وصرت عروس من جديد
والدبله يا عيني غيرتها وكل عام وانا بخير
وعلى فكره لو ما تبين تلبسينه لا تنسين الزكاه
والله يطرح في رزقكم البركه يا رب
اساسا بجي يوم بتقولين اني خدمة زوجي وبيتي ولي الاجر ان شاء الله
ولكن كمان ما ظلمت نفسي
وهذا ان شاء الله بيكون للزمن والله العالم وش بيصير عينا لا كبرنا
ان شاء الله عيالنا يكونون بارين فينا يا رب
وله يمكن احتاج لعلاج بعيد الشر عني لما اكبر
ولا حتى يكون لمراسم دفني بفلوسي وكفني بفلوسي
قمت أخورها :o لا والله جد افكر ان مراسم دفني من الكفن
الين الشاي والقهوه على حسابي ابي الاجر كاااااااااااااامل
مع السلامه بروح اشوف عشاي لا يحترق
رؤيــــــــا @roya_10
محررة برونزية
يلزم عليك تسجيل الدخول أولًا لكتابة تعليق.
ام اياد 11
•
الله يعطيك العافيه ويمتعك بصحه وانت وعائلتك الكريمه ويساعدك
الصفحة الأخيرة