مرحبا بنات ..
سويت عمل فني جميل جدا ..
بخامة بسيطة .. طلع معاي أرفف علقتها على الحائط ...
وهذه الصورة في النهاية ..
http://www.uaeuae.com/upload/pic4/d00.jpg
بس يا خسارة ما خطر على بالي أصور الخطوات علشان تشوفوها..
بس ولا يهمكم أنا راح أقول ايش سويت ..؟؟
من كم يوم لاقيت قطعة فلين كبير .. تعرفوها طبعا ( إلي نلاقيها في الكراتين علشان تحفظ الأشياء ..مثل التلفزيون أو اي جهاز كهربائي ).
طولها تقريبا متر وشوي في متر إلا ربع.. على شكل مستطيل ..
ومفتوحة من الداخل على شكل مربعات متساويه..
ايش سويت أنــــــا؟؟؟؟
رحت وفتحت بعض المربعات على بعض ( يعني وسعت بعض المربعات ) وسعت مرة بالطول ومرة بالعرض.. وتركت الباقي كما كان .. كما موجود بالصورة ..
وبعدين جبت الغراء وورق الفاين الخاص بالمطبخ أو الي انحطة على طاولة السفرة أكيد عرفتوه هوعلى شكل مربعات !!
أقصد أني أحط شوية غراء وماء وأخلطهم مع بعض ثم نضع طبقة من الورق المذكور أعلاه
وطبقة غراء باستخدام فرشاة الرسم لتسهل عليك العمل ..
عملت تقريبا 3 طبقات على جميع الانحاء.. ثم تركتها تجف يوم واحد بس ليس أكثر ..
وبعد ما تنشف لونتها كلها بالون البني لتعطي طبيعة الخشب..
(مع استخدام الفاين والغراء هذه العملية تجعل الطبقة تبدو وكأنها خشنة وعليها تعرجات جميلة)
انظري الي الصورة عن قرب..
http://www.uaeuae.com/upload/pic4/ab2.jpg
وبعد ما نشفت الألوان وخلصتها .. على طول علقتها بالصالون وحطيت في داخل المربعات تحف صغيرة وجميلة .. كما في الصورة..
http://www.uaeuae.com/upload/pic4/at.jpg
أتمنى انها تكون عجبتكم الفكرة ..
ترى والله من لاشي تسويين أحلى شيء..
وسلامتكم!!:21:
بصراحه روووووعه