ربي يسعدكم جميعا ع التواجد
واتمنى تكون لهذه الكلمات وقع في انفس اخواتي ..
بارك الله فيكم
واتمنى تكون لهذه الكلمات وقع في انفس اخواتي ..
بارك الله فيكم
الصفحة الأخيرة
بقولكم قصة وحده بدت من الصفر ماكان عندها الا مكينة خياطه حقة امها وكانت فنانه بس مافيه فلوس
المهم جاتها فكرة خياطة اكسسوارات الشعر مالت المناسبات مش العاديه بس منين الاقمشه وماعندها راس مال
جاتها فكره راحت للخياط الي يم بيتهم ولمت القصاصات الزايده من الخياطه الي الخياط يرميهم
وجابتهم البيت وفرزتهم واختارت القماش المناسب وعملت منها اكسسوارة شهر وطرزتها على المكينه وشكتها بيدها بالخرز وورجتها خواتها
تعجبوا من ذوقها ولما اقتنعت بفنها راحت تلف على الخياطين المشهورين بالبلد الي يخيطون الفساتين الغاليه باقمشه عالية الجوده من الحرير الطبيعي والمشكوكه والمطرزه واتفقت معاهم ان مايرمون القصاصات وانتوا عارفين بعض الاقمشه المشكوكه توصل سعر المتر ل400 و500 واحيانا اكثر وهي ماتحتاج الا لقصاصه كبر الكف تشتغل عليها ومرات تلقى بالربع متر زياده ....... المهم سوت طيقان سهره وتيجان للكبار وللصغار وكلها للسهرات وبكل غريبه
وقماش الساتان تعمل منه فيونكات صغار تعمل منه حلق للسهره وتزينه بالكريستال ومعاه شنطه نفس اللون وحتى اكسسوار الجوتي للسهرات والعقد من نفس القماش كطقم شي روعه من قماش بلاش مجرد قصاصات زايده
والله يابنات تبيع القطعه ب100 ريال وب200 لان شغلها نظيف واقمشتها غاليه لما صار عندها شوية فلوس قامت تسوي مفارش سرير للعرايس تشتري قماش ساده وتطرزه على مكينتها وتشكه وتعرضه في المحلات الكبيره بنسبه وسعره غالي وبعد يشترونه لانه غريب وشغل يد وبفن
فتحت لها بالبيت غرفه فيها كل شغلها وانعرفت على مستوى المنطقه واليوم يابنات عندها عقارين واسهم وتجارة بيع مكياج تجيبه من البحرين وتبيعه بربح وفاتحه صالون وماشيه حياتها من احسن مايكون وافضل من الوظيفه
تاجره بدت من الصفر بدون فلوس بشطارتها رفعت مستواها المادي واهلها الي كانوا يضحكون عليها لما يشوفونها جايبه القصاصات باكياس الزباله لغرفتها اليوم مانفعهم الا هي
ياليت يابنات الي عندها زي هالتجارب والقصص تكتبها يمكن نستفيد منها لو فكره بسيطه لاتستتفها يمكن وحده تضيف عليها وتكون منها مشروع
فهذي دعوه لكتابة تجاربكم خاصه التاجرات حتى الله يبارك في تجارتهم يفيدون غيرهم المبتدئات ولهم الاجر باذن الله