السلام عليكم ورحمة الله وبركاته
هنا طريقتي في صنفرة القدمين ... المفروض حطيته من بدري للعيد.. بس الكسل ومايسوي :09:
(1) العدة
(أ) سطل ماء مقاس رجلينك
(ب) منشفتين... واحدة تجففي فيها رجلينك, والثانية تحتك
(ج) ملح البحر (اذا قدرت تحصلي عليه, اذا لا ملح الطعام يمشي حاله)... غني بالمواد المعدنية الي تحافظ على رطوبة البشرة, يزيل الخشونة والالتهابات...
(د) بيكروبونات الصوديوم... يسيطر على نمو الفطريات...
(ه) الصنفرة الي تعجبك... انا استخدمت St Ives ...
(و) قفاز مغربي اذا متوفر... او اي شيء يساعدك على الصنفرة...
(ز) كريم للترطيب ....
(ح) زيت عطري (اضافي مو ضروري)... انا استخدمت Sage اظنه هو الي يسمونه البنات الميرامية .. (اسم النبته العلمي Salvia officinalis).... ضد الفطريات والبكتيريا والميكروبات, ومطهر... يعني ينفع لتعقيم الرجلين... وله فوائد ثانية منها تنشق ريحته يخفف احتقان الانف!
ولكن..... لا ينصح فيه للحامل ولا للي عندهم هستيريا او صرع...
هذي الصورة مقربة... (الي باللون الاحمر ملح البحر... بس معه عطور زيتيه وصابغينه!)
(ط) الي عندها مشكلة اسفل القدمين تضيف هذي (صورة من النت)
انا متوفرة عندي الالة هذي..... مو ضرورية تقدري تكتفي بسطل ماء... فيها ثلاث خيارات
w = للتسخين ...
w + m = تسخين مع مساج (هزاز) ...
w + m + a = تسخين مع مساج مع هواء (فقاعات) .... << هذا عادة ما استخدمة لان صوته عالي, وساعات الماء تتنطط هنا وهنا...
الالة صناعة ألمانية من beurer عاجبتني... العجلة الي على اليمين حقت مساج تقدري تمشي رجلك عليها
(2) الطريقة
(أ) خذي ملعقتين الى ثلاث ملاعق ملح البحر... وضيفي له ملعقة وشوي بيكروبونات الصوديوم (الكميه بتعتمد على الماء الي بتستخدمي... اخلطيهم مع ماء حار... (الي عندي لونه احمر من الصبغة الي جات معه.. عذرا على المنظر !)
(ب) حطي ماء حار في السطل حقك او في الجهاز الي تبينه وضيفي له خليط الملح مع قطرات من الزيت العطري الي اخترت
(ج) حطي رجلينك وخليهم نص ساعة تقريبا او لين تبرد الماء... (بما ان الجهاز عندي كنت اشغل التسخين بين الحين والثاني حتى احافظ على حرارة الماء لانها تساعد على ذوبان الجلد الميت بشكل اسرع...)
(د) طلعي رجلينك وصنفريهم بالطريقة الي تعجبك... الجلد الميت بيصير سهل تتخلصي منه بسبب الملح الي حطيناها في الماء...
(ه) اذا عندك الجهاز ممكن ترجعي رجلينك عشرين دقيقة وتعيدي الكرة بس بصنفرة خفيفة
(و) -اختياري- اذا مو صايمة, قصي اظافيرك ونظفي ظفرك من الجلد الميت بالالة هذي وحطي المنكير الي يعجبك
(ز) اخيرا... جففي رجلينك وحطي كريم مرطب.. ممكن تحطي فوقه فازلين (بس لا تعتمدي عالفازلين لحاله لانه مايرطب, بس يحفظ الرطوبة)... واذا الجو عندك يتحمل البسي شراب قطني لونه فاتح حتى مايصبغ عالجلد...
ويالله قومي نظفي العفسة الي وراك :crap:
ما شاء الله
الله يسعدك ليال على ها الموضوع فعلا جة
بوقتة ناوية اصنفر اقدامي :icon30:
بارك الله فيك وبعطاءك المميز