اخواتي عندي طريقتين مختلفتين من صدور الدجاج (لان الكل مل من عملها بانيه ) ده غير ان طعم الطريقتين طعمها لذيذ جدا وتساعد في حيرة اصناف رمضان اعاده الله بالخير عليكم
بسم الله الرحمن الرحيم
الطريقة الاولي (الكودون بلو)
بس مختلفة شوية والذ حتجيبي صدور الفراخ المخلية وتقطعيها زي البفتيك بس طخين والافضل تطلبي من البائع صدور سليمة والزيادات شليها ح نعمل بيهم الطبق التاني
نفتح الصدر كانه سندويتش ونحشيه جبنة شرايح ولحم معصج ونقفلهم بخلة الاسنان ونقليهم بالبيض والبقسماط واسيبكم مع الصور توضح
هنا بع الحشو
وده بعد القلي يقدم مع مكرونة ومبشور عليها جبنة علشان يكون فيه تجانس
وده شكلها من الداخل ايه رايكم
اللي سايل ده الجبنة لما بتسيح جربوها الطعم تحححححفة
الصنف الثاني(ستروجونوف)
هو نوع من احلي انواع البيكاتا
صدور دجاج مخلبة ومقطعه صغير شوية او اللي الزيادات اللي طلعت من تقطيع الصدور من الطبق اللي فات
تتبل بالملح والفلفل وتقلي في زيت قليل انقلها علي ورق ثم فب الحلة وفي نفس الطاسة اقلي مشروم وانقلها للصدور
تحمري بصلة مبشورةومعاها ملعقة ثوم مفروم وتضيفي للخلطة اللي فاتت
نحط الحلة علي النار لحد ومعها نصف كوب مية علشان يكمل السوا وبجرد لما المية تنشف نجيب نصف كوب لبن و
مقلبين فيه ملعقة دقيق ونضيفه
بعد الغليان نضيف كريمة لباني حوالي ثلاث اربع كوب واتركها تغلي واضبطي الملح حسب ذوقك
تؤكل اما باخبز او توضع فوق المكرونة البيضاء
والطعم انا مش ح اتكلم جربي وذوقي وردي علي وبصحة وعافية علي قلبكم
انا بقدم الاصناف مش مجربة وبس بتكون عجبت الاسرة علشان كدة لما الردود بتبقي قليلة بيجيلي احباط :42:
