صه ولادتي في قوى الأمن بالرياض

اول شي الحمدلله اللي هون علي وولدت بالسلامه لأني بكريه وكنت خايفه من الولاده بدخل في الموضوع على طول اول شي انا اراجع في قوى الأمن وخلصت التاسع بس عطوني موعد تنويم طلق صناعي في اليوم العاشر من الشهر العاشر وخفت شوي بس قلت مو مشكله عسى خير وبصراحه لأني كنت متحمسه لشوفه بنتي :32:ورحت البيت وكل يوم يمر بطني يمغصني عشان طاري الطلق الصناعي لاني كنت اسمع انه يعور وماتقدرين تقولين لااله الا الله وقتها وقبل مااخلص الموعد حق التنويم بثلاثه ايام اقول لامي انا عندي اوجاع لما اجي انام من كم يوم بس ماعلمت لأني خايفه من الكشف حقهم :06:قالتلي لازم تروحين عشان نشوف وش السالفه ليش ماولدتي للحين بس ترى بوديك مستشفى الملك فهد اللي هو المدينه الطبيه قلت انا ماعندي ملف عندهم قالت بنروح طوارئ وبيدخلونك قلت يلا ويوم اروح وتكشف علي الله يوفقها ابد ماحسيت بيدها وكانت مراعيتني بالمره عشان بكريه وقالتلي مفتوح 2 سانتي وقالت لازم تروحين للمستشفى اللي تتابعين فيه عشان تولدين عندهم قلت لازم اروح الحين انا مااحس بألم قالت الأفضل عشان انتي خلصتي التاسع قلت طيب وارجع البيت واتحمم واشرب كوب قرفه بس وامشي كثير وانا في التاسع كله كنت امشي بس سبحان الله ماولدت الا بالعاشر ويوم رحت المستشفى دخلت طوارئ وطحت بوحده الله يسامحها بس جت بتكشف علي وخفت شوي شعور طبيعي للبكريات المفروض تقدر هالشي انه جديد علينا وقامت تهاوشني وتصارخ وربي اني خفت منها وكرهتها واللي جنبي بعد بكريه مسكينه ونفس الشي سوت معاها بس هي اختصرتها وقالت ماابي كشف رحمتها مسكينه وقامت تهاوشها وتصارخ عليها وقالت انتي لما يجي زوجك عندك تبكين تقول هالحكي وهي تهاوش وقامت البنت وقالت ماابي وفكت الجهاز اللي فوقها وقالت بطلع مسكينه روعوها وجت فلبينيه قالت ممنوع يامدام قالت لا بطلع قالت على مسؤليتك قالت ايه وعيوا يطلعونها ودقت على امها كانت بالانتظار مسكينه ودخلت عندنا وهو ممنوع وقاموا يهاوشونها قالت الا بدخل طلبتكم بس شوي وتترجى الممرضات يرحمونها شوي لأنها بكريه وتخاف وقالولها طيب وكل هذا وانا ابكي عليها وعلى نفسي من الخوف واحس اني انا السبب فيها لأنها سمعتني وانا ابكي وخافت مسكينه المهم جتني الشينه الممرضه شكلها حبشيه وقالت انتي عندك موعد تنويم تعالي في موعدك قلت انا عندي ولاده قالت وش دراك قلت انا رحت مستشفى ثاني وفالوا ولاده طبعا هذا كله قبل ماتكشف علي المهم سألتني وش المستشفى قلت المدينه الطبيه قالت طيب وهي معصبه مني عشان قلت ومفتوح 2 سانتي ويوم كشفت مابغت تعلمني كم مفتوح بس سألتها وقالتلي وبس هذا اللي صار في الطوارئ بعدها طلعوني التنويم وبطني يعورني من الخوف وكان معاي اخوي بس بس قلت الحمدلله اولد *****الله وافتك من الخوف والقلق اللي كنت عايشه فيه وحطوني بغرفه لوحدني هي نفسها حقت الطلق والولاده وكل وحد تولد يسون لها كذا يمكن عشان ماتخاف من اصوات الحريم
يتبع تعبت من الكتابه بعد شوي بكمل