الا يانفسي :

فشلت بما اني ببيت اهلي هالفتره وماخذه راحتي اذاكر لاخوي الصغير ويكتب حل غلط بالكتاب واصرخ غبي غبي انت ماتفهم ؟؟؟؟ بصوت عالي وبعتين انتبهت وتذكرت الموضوع وسحبت القلم منه بشويش وقلت لا ياحبيبي مو كذا الحل < تحس اخوها خاف حس بإنفصام شخصيه شوي الا دخلت اختي اللي اصغر مني بالثانوي وبس معلقه الجوال بإذنها واقوم اخزها سكريييييييييييييييييييييييييه < تزوجت ونفخت ريشها على اخوانها الا خزتني وقالت سلامات !!! الا تذكرت الموضوع من جديد وقلت ياعمري اذنك بتروح فيها ( بصوت واطي ) وطلعت من الغرفه ومايحتاج اقولكم انها ماعبرتني احم احم يستنتج مما ذكر فوق انه نجحت اليوم ,<< من جنبها وانا اكتب الرد دق زوجي وقلت يابنت لازم تنجحين ولو شوي وقام يسلم واخبارك وزي كذا وانا ارد بشويش لين قال الو انتي معي ؟؟ < ماعندها حل وسط فرفعت صوتي وكملت المكالمه بصوت وسط وشوي يقوطر نعومه ودلع بس ابشركم رافعه يديني لجل ماقوطر ع السرير هاهاها < برى وهيك يومي وان شاء الله بكرى انجح مع بقية اخواني ههههههههههه أرق تحيه

فشلت بما اني ببيت اهلي هالفتره وماخذه راحتي اذاكر لاخوي الصغير ويكتب حل غلط بالكتاب واصرخ غبي...

ليان عمر :

السلام عليكم اهلين بالملعلعات ((ذوات الصوت العالي لغير الناطقين بالعامية)) احب اعرفكم بنفسي ليان والليان مار من جنبها ولا حك فيها اسم على غير مسمى اما طولت اللسان فحدث ولا حرج والله لساني يلوط اذاني وحاااااااااااااااااااااااااااااد جدا تقولون مسن وعلى راي هوزبندي مركبة محاقين((وهي بواري للسيارات النقل الكبيرة تفضخ اذان اللي ما يبعد عن طريقهم)) انا غسلت يديني ورجليني من خفض الصوت لان فالج لا تعالج الحالة عندي مستعصية كروموسوم اللعلعة بعايلتي متوارث وانا ورثته لولدي يعني مافيه مجال عكس زوجي واهله ما تسمعين صوت براطم تتحرك والصوت مهناش ماشاء الله احيانا لا تحمست زوجي يحسبني اهاوش لكن اذا هاوشت وش يحسبني اتذكر وحدة مثل حالاتي هي وخواتها تقول ان ولدها على ابوه هادي وكل ما جت من اهلها قال ذا الولد : يمه ليه تروحين لخوالي وانتم مغير تهاوشون مادرى ان ذي ساعة الصدر الباقي على الهواش الله اعلم اكيد بتقولون وش له داخله اهاااااااااااااااااااه غدي وحدة منكم تضحك علي وادخل السرور على قلبها همن تدعيلي ان الله يهديني ويصير صوتي وسط مابي هداوه ييزي من ذا نصه وعقبال الصوت الدلوع الناعم لي وللجميع

السلام عليكم اهلين بالملعلعات ((ذوات الصوت العالي لغير الناطقين بالعامية)) احب اعرفكم بنفسي ...

×ام خطاب× :

انتو تقولو فيها والله ماشاء الله الصوت يلعلع والمشكله حتى اطفالي مثلي واحد من اخواني لمن يسمع صوت ولدي عمره خمس سنين يتريق علي يقول ماشاء الله بالغ زوجيه من صوته فلذالك قفلت لزوجي ويش رايك نسكن في ورقان <<<جبل عالي الواحد ياخذ راحته وقبل صاحب العماره مايطردنا

انتو تقولو فيها والله ماشاء الله الصوت يلعلع والمشكله حتى اطفالي مثلي واحد من اخواني لمن يسمع صوت...