عادي عزيزتي !! أنا وحده صوتي مش عالي ابد!!

بس إذا عصبت على الخدامه أو العيال!! توصل فيني
وأكثر من مره يحرجني ويقولي لازم تسمعين الجيران؟

طبعاً تحسين ودج تكونين في عين زوجج أفضل إنسانه
وتكراره لموضوع صوتج يخلي ثقتج بنفسج تخف!!
حاله حال المليانه اذا قعدلها زوجها انتي مليانه ونزلي وزنج
!!

حاولي تاخذينها بمزح يعني كل ما قالج وطي صوتج وضحي
انج توهقتي وقوليله أوه والله اني نسيت شسوي انسى
ويطلع غصبن عني!! لحد ما يفهم انه انتي فعلاً قاعده تحاولين
بعدها عاد طيحي فيه انا ادري اني مب عاجبتك ولا صوتي عاجبك
(وقت الرضا طبعاً) يمكن بعدها هو يحس ويخف، بس اهم شي
تبينين له وبتكرار انج فعلاً تحاولين، عشان ما يحس انه هو ماله
اعتبار عندج وانج ماتسوين شي عشان خاطره

وانا مثلك دايم يقولي صوتك عالي ...وخاصه لما اصرخ على العيال ..وفي باله اني ما احترمه
بس طبعي كذا وان شاء الله انا وانت بنتغير ونتكلم بالهمس .....خخخخخخخخخ

كما قالت الاخوات عزيزتي

لا داعي لهذه الشكوك التي في غير محلها

الزوج دائما يحب المراة االهادية ذات الصوت المنخفض والحيي

لكن ظروف الحياة أحيانا تجبر الزوجة على غعلاء صوتها وخصوصا على الاولاد

تمالكي نفسك واستعيني بالله عزوجل وأقلي من الغضب .فالغضب والتعصيب هما اللذان يجعلان الصوت يعلو ويعلو ........

امسكي نفسك وتذكري قول الرسول - صلى الله عليه وسلم -إياكم والغضب

الشيء الثاني

ربما يكون زوجك قد تضايق من علو صوتك بسبب غيرته عليك وخصوصا أنكن قد تضحكن ووتتسامرن فيما بينكن ..فلذلك هو يغار عليك ولا يحب أن يسمع صوتك وضحك غيره

لذلك دربي نفسك وستتعودين بإذن الله تعالى


اخفاض الصوت ليس بالامر الصعب ولا بالشاق بل ممكن بالتدريب وطول البال

وفقك الله

الرجال يحب المرأه اللي صوتها واطي ... ما الومه .... حرام لاتربطين حبه لك بهالمشكله ..

فكري بعمق ..!!

الله يوفقك

كيفكم بنوتات مشكورات عالردود

وبصراحه اني اعرف ان حل المشكله بيدي

وان زوجي ما عليه اي قصور

الله يقصر صوتي

بس لما كتبت كان ضايق بالي مره

لان الغربه صعبه وما عندك احد تشكيله :icon33:

ولان زوجي عصبي فلما تصير مشكله وحتى لو بسيطه

يذكر كل السوالف الشينه من جدي السابع عشر لليوم


ويكدر خاطري ويخليني ابكي اريد امي واريد ابوي :icon33: :icon33: :icon33:

بس عدت المشكله واليوم الاجواء صافيه والحمد لله :39:

وبما انها ليس اول مره فهي بالتاكيد ليس الاخيره :D